姆茨赫塔古城
@ Svetitskhoveli Cathedral სვეტიცხოვლის საკათედრო ტაძარი

講到行程嘅第五日，離開紅酒小鎮西格納吉，逼歡樂滿東華feel巴士大約兩個鐘，返回首都第比利斯。由巴士站call yandex taxi返hostel(必備app，位置準確，而且比就咁截車起碼平一半)，安頓好食埋中午飯之後，又yandex打車去姆茨赫塔-格魯吉亞宗教聖地，睇兩個教堂⛪️ 格魯吉亞國教為東正基督教，姆茨赫塔喺古代曾經係格魯吉亞嘅首都，距離依家首都第比利斯35分鐘車程，可以坐巴士再轉的士到達，但係由於我哋返到首都時間都唔早，所以就直接call的士過去($16GEL ^{(USD 6)}=$46hkd)。 生命之柱主教座堂 Svetitskhoveli，有千年歷史，係格魯吉亞最重要嘅一個教堂，因為藏有耶穌嘅斗篷同埋以早期教堂建築支柱而聞名，內部有好多精美嘅壁畫，同時格魯吉亞最後兩代國王墓碑都喺入邊，可見其重要性。呢個教堂都幾大，外圍仲有一圈古城牆。 生命之柱主教座堂在11世紀教堂修葺過程中，還有一則有趣的故事：在教堂北面外牆上有一處不引人注意的浮雕，浮雕為一隻拿著三角尺的手臂，據說是歷史上重建教堂的建築師被國王砍下的手，原因眾說紛紜，流傳最廣的說法是教堂太完美，國王非常滿意，不希望世間出現第二件複製品，遂砍掉了建築師的手😵。所以呢個教堂又稱之為「斷臂教堂」🤦🏾‍♀️

---

另一個教堂 Jvari Monastery 十字修道院，係古城中最古老嘅教堂，地理位置特別，响庫那河及阿拉格維河交接處對面嘅山上面，教堂内部唔算大，可看性一般，但景觀一流，同埋背後有豐富嘅歷史宗教文化（嗰啲太長唔講），係必須要去嘅一個景點！

1994年修道院與姆茨赫塔的其他古蹟一齊被聯合國教科文組織列入世界文化遺產名錄。 姆茨赫塔建議遊玩時間： 兩小時至半日

交通方法

• Didube(დიდუბე)地鐵站出口坐Marshrutka小巴，$1GEL ^{(USD 0)}可到mtskheta，步行可到生命之柱主教座堂，到十字修道院要從古城打車來回$10GEL ^{(USD 4)}往返。(司機會開價$40GEL ^{(USD 14)})
• Yandex.Taxi 打車來回:去程$16GEL ^{(USD 6)}，回程再停留生命之柱主教座堂及返回第比利斯$20GEL ^{(USD 7)}