現職空姐，工餘時間不停去旅行，捐窿捐罅四圍走
29 Jul 2019
西南中亞三部曲《外高加索篇》第一站阿塞拜疆首都巴庫 Baku
@ Heydar Aliyev International Airport (GYD) Heydər Əliyev adına Beynəlxalq Hava Limanı (GYD)
Bina, Baku, Azerbaijan
airport
期待已久嘅大長征終於出發喇！✈️
起飛前快速寫兩句先，暫時行程大約係33-34日～
粗略講一講，我嘅行程係阿塞拜疆 >> 格魯吉亞 >> 亞美尼亞 >> 伊朗 >> 土庫曼 >> 烏茲別克
總共目標係要橫跨六個國家😛
本來諗住玩成個月會 hea 喺度好輕鬆
但最後都係我一貫風格，行程好充實😆
好幸運呀，standby 上機好順利，一個人坐左一排三個位旁邊無其他人坐（同伴就兩個人坐四個一排），可以好好休息下✌🏻
好啦唔講咁多，旅途中如果上到網得閒會再嚟分享下👋🏻
今次坐俄航經莫斯科轉機，香港到莫斯科就坐經濟艙，然後莫斯科到巴庫下半程 check econ 爆滿呀，所以唯有比多$50美金坐商務艙。
諗住可以舒服返三個鐘，誰不知細機嘅 business 同 econ 都差不多，個位無幾大，假j嚟嘅😂然後無電視，係派 tablet 玩嘅~食物好難食😅哎呀好啦，有位坐就好，乜都唔重要喇！
用左二十多個小時，零晨五點終於到達 Baku，Baku 個機場好大好靚，成個城市都好土豪 feel 😱大量霸氣建築，石油出產國確係唔窮🤗媽呀，我唔係去乜乜戰亂危險窮困地方，唔洗太擔心😛
原來咁啱琴晚歐霸車仔對阿記响巴庫踢呀⚽️所以勁多球迷嚟睇！
我對呢個城市嘅初步印象好好，好文明先進，重點係d人好熱心，例如剛才搭巴士買車票呀，唱錢呀，得到好多路人幫忙，清潔姐姐講唔明都會做動作表達叫我地去邊唱錢，之後轉車買車票其中一個路人仲要送埋佢張當地嘅八達通比我地塔車😱😱好滾動呀，真係太好人了！
機場到市區巴士轉巴士，只係用左 $1.6 AZN (USD 1) ($7.4 HKD (USD 1))，抵～（的士要百幾蚊港幣，唔乎合我地窮遊嘅原則）
依家到達 hostel ，太早，再加上呢兩日住宿緊張無房，所以家下我地三個攤左响 common area 個沙發度等多幾個鐘等有房😵同伴們坐响度訓著了😴😴攰
我都抖下，講到呢度先。晏少少再響呢個城市四圍睇下😃好快會再嚟癈up👋🏻👋🏻