《瑞士‧天上人間》- 國旗給她的意義

遊歷‧足跡 Travel Footprints / Switzerland

凡人一個,只係較鐘意旅遊,同時又得閒研究下歷史同飲食文化,所以開左呢個Page,記錄一下小弟遊「歷」的足跡。

16 Mar 2020

大家一提起瑞士,一定會聯想到幾樣野,首先係好似進入左童話世界一般的人間仙境,其次會係我地呢一代的兒時回憶卡通片飄零燕、之後就係周不時會食的瑞士火鍋,甚至係三角朱古力。而小編呢一篇反而想由瑞士國旗講起。 一個國家最易辨認就係睇佢的國旗,而一般國家的國家都係長方形,但瑞士的國旗就比較特別,正統的瑞士國旗應該係正方形,而唔係長方形的。而全世界只有兩個國家的國旗係正方形的,分別係瑞士同梵蒂岡。瑞士國旗係紅底作為背景,代表人民的勝利同熱情。而中間就有一個白色的十字架,代表和平與光明。至於將國旗於1889年由長方形變成正方形個主要原因係想突顯瑞士身為中立國的象徵。 大家或者會問點解瑞士係全歐州無啦啦會變成中立國,甚至要將國旗改埋做正方形,原來係同法國著名軍事家拿破崙有關,下篇再同大家分享一下瑞士成為中立國的故事。 圖: 小編於少女峰拿著瑞士國旗的照片,該瑞士國旗亦都係正方形的
《瑞士‧天上人間》- 國旗給她的意義
* * * article collected under 遊歷‧足跡 Travel Footprints / Switzerland * * *
Next: 《瑞士‧天上人間》- 「中立」的迫降