挑戰24小時巴士🚌😎亞美尼亞Yerevan 🇦🇲陸路過境伊朗Tehran 🇮🇷

由於坐飛機要二千幾蚊，坐巴士就$15000AMD ^{(USD 38)}(245hkd)，我窮遊，當然坐巴士啦😆嚟啦我唔驚你㗎👻 巴士票响我到達亞美尼亞嘅第一日就即刻去咗巴士站買，位置係central bus station，去到巴士站問人話去terhan 就知邊度買飛。一日有兩三班車，大約都係早上11/12點。

巴士意想不到咁舒服，坐位雖然無得平訓但個位都好闊落，仲有得叉電咁我就可以瘋狂㩒電話了📲（不過入到伊朗就上唔到，未買卡）我哋好彩，呢班車唔full，全車得9個乘客咋，所以我可以一個人坐兩個位～車上無廁所，有水飲，會有幾次中停去廁所同食飯中停休息～ 當日我哋亞美尼亞幣得返$6000AMD ^{(USD 15)}(約$98hkd)，好窮，要三個人支撐埋午餐同晚餐🥣去廁所通常要收$100AMD ^{(USD 0)}，我哋仲要留返錢去廁所😂所以最後大家只能食乾糧，午餐三個人share一碟雞串🤦🏾‍♀️ 坐24個鐘其實唔算辛苦，訓下㩒下電話好快就過～零晨左右，終於到達伊朗邊境口岸，要拎曬所有行李落車出境，要拉住行李行一大段路，上上落落又過橋，然後去到伊朗入境口岸，女性就要用頭巾包頭🧕🏼著返中袖衫及長褲(8分褲/長裙，不用到地都得，衣着方面遲啲再講）～

入境有簽證就好順利（依家開始免簽證呀🤦🏾‍♀️），不過就都等好耐。入境後就响口岸大堂等上巴士🚌等左成個鐘，口岸大堂有兌換店可以唱錢～ 我哋响大堂識左一對伊朗年輕夫婦，佢哋住响亞美尼亞，所以個人好西化，入境前都係著背心短褲(伊朗大城市嘅年輕人好多都唔係太傳統，頭巾都係意思意思少少「浪」住响個頭上就算，都會著窄牛仔褲，背心外面著件薄外套咁）～呢對夫婦人好好，好熱心，帶我哋去唱錢，之後到德黑蘭又幫我哋叫的士。我哋一齊等車傾左成個鐘頭計，之後交換左contact，佢話伊朗有乜需要可以隨時問佢～令我深深體會到伊朗人嘅熱情好客，仲有重點係佢兩個都生得好靚😍 入境伊朗之後要轉換另外一架巴士，呢架巴士就好多人了，坐滿左，不過佢哋比較男女授受不親，所以本來隔離坐咗一個伊朗男人，司機叫佢走開，要佢去前面同另外一個男人坐😆 24小時巴士挑戰成功，感到功力大增😂有機會下次可以挑戰再長d嘅車程先🤪搭完呢一程車之後，就開始正式伊朗嘅行程了！ D14 12/6 移動日 的士到車站$400AMD ^{(USD 1)} 曲奇$280AMD ^{(USD 1)} 早餐$2100AMD ^{(USD 5)} 午餐$2000AMD ^{(USD 5)} 可樂$350AMD ^{(USD 1)} 伊朗巴士票$45000AMD ^{(USD 114)} Total $5130AMD ^{(USD 13)}/3=1710AMD ^{(USD 4)}=人均$278hkd