古城區平價 Hard Rock Cafe
@ Hard Rock Cafe

返回古城附近，我哋就去咗食 hard rock cafe，係 baku 應該算係數一數二高評分嘅餐廳，反而我係其他地方真係冇食過，因為覺得貴。hard rock cafe baku 價錢真係好平，我哋三個人總共食咗 $50AZD（$230hkd)，唔係啩，其他地方呢個價錢一個人都未必得啊！現場仲有live band超好氣氛～～ 阿塞拜疆雖然係伊斯蘭什葉派國家，但係唔算傳統保守嗰一隻，衣服上都冇乜特別要注意，然後值得一提嘅就係依家係伊斯蘭齋戒月，正常天光之後就唔可以食嘢，出發前我都有少少擔心日頭會冇餐廳開門，點知一啲問題都冇，任何時間都可以大魚大肉😂 食完晚飯我哋就行去海濱大道，海濱大道有少少似我哋尖東海旁，有啲年輕人喺度玩吓音樂啊，成班人出嚟Hea下咁～仲有就係可以睇到火焰塔外牆嘅燈光變幻，有時係國旗、火、水等⋯ 係海濱大道有三個男仔同我地搭訕，佢話佢生日，有少少怕羞唔係好敢講嘢咁，最後交換左ig🙂睇佢地ig就發現係讀書人，學歷好高嗰啲~唔怪得知都識啲英文~~否則英文喺呢度真係唔係好通行~~ 好啦長篇大論咁，終於講完第一日喇！整體來講對Baku 印象超好🤗我好少覺得城市係好架～