《埃及‧隨想隨寫》- 「最後的法老」倒下

近來埃及發生唔少事，剛剛係今日就見到新聞報道埃及前總統穆巴拉克逝世，終年91歲。穆巴拉克由於管治埃及超過30年，所以被稱為「最後的法老」，而佢係國內外分別有差天共地的評價，今篇就講下佢傳奇的故事。 首先講下國外，可以話係做足100分，做到左右逢源的效果。首先佢上台後重返阿拉伯聯盟，積極擔當阿拉伯世界的領導者，包括促成「以巴和談」。而佢又延續親美政策，同時又同中國建立關係，更成為非洲聯盟輪任主席，可謂將埃及的國際地位推向高峰。 但係國內就採取獨裁鐵碗政策，積極剷除異己，令到政府腐敗貪污，物價高漲而民不聊生，最終係2011年中東發生「阿拉伯之春」期間被迫下台並接受司法質詢。埃及人民諗住穆巴拉克下台後經濟可以重拾增長，過番以前美好的生活，點知事與願違。以前由於採取鐵碗政策，雖然偶有激進伊斯蘭組織的恐怖襲擊，但整體治安相對穩定，所以能夠藉著「四大文明古國」之名，依靠旅遊業成為國家穩定收入支柱。可惜穆巴拉克下台後，國家陷入無政府狀態，恐怖襲擊不斷發生，最終令遊客卻步，即使而家國家穩定番都未能令旅客重拾信心，使埃及的經濟停滯不前。 埃及政府將會為穆巴拉克於開羅東部市郊的清真寺舉行葬禮。而講起清真寺，開羅城裏面有個聞名的穆罕默德.阿里清真寺，除左可以見到開揚的開羅市景外，寺內的環境設計令小編歎為觀止。