格魯吉亞最美網紅酒店
@ Rooms Hotel Kazbegi

由於我一個月大長征係窮遊，budget唔多，rooms hotel差不多要成港幣$1500一晚，有諗過不如豪一晚，但係最後都決定放棄，我要慳返啲錢💸就揀左另一間平酒店（之前介紹左，都有景觀），然後就過去rooms hotel食飯飲野，一於睇左食左住左😛 酒店位於小鎮頂端🏔️所以冇其他建築遮擋，有一半嘅房間，都係對住無敵雪山景，仲要落地玻璃，有大露台可以睇到日照金山，正到不得了！仲有個對住雪山嘅室內泳池，而且早餐出名好食..喺格魯吉亞來講算係超級好配套嘅酒店🏨

如果好似我一樣淨係去酒店平台餐廳食嘢都得，一樣都可以睇到山區漂亮嘅景色，仲可以見到佢哋嘅觀光直升機起飛！食物質素好好，係格魯吉亞來講算係難得地好食，而且價錢都唔算超貴，我三個人食晚餐（六月份差唔多夜晚九點先天黑），平均一個人都係食咗$110hkd～ 不過呢間網紅酒店喺大陸唔知點解好紅，不少網紅喺度打卡，係我響格魯吉亞咁多日見得最多內地觀光客嘅地方😅

Rooms hotel 地址: 1 V.gorgasali St, Stepantsminda 交通: 由於響山上邊，如果由巴士站過去有行李就要搭的士，冇行李就大概行18分鐘左右 順便總結一下當日嘅消費： D7 5/6卡茲別克 包車去教堂及juta$150GEL ^{(USD 53)} 酒店$121GEL ^{(USD 43)} 買水$3.5GEL ^{(USD 1)} 午餐$58GEL ^{(USD 21)} 買左條手鍊$5GEL ^{(USD 2)} Rooms hotel晚餐$125.1GEL ^{(USD 45)} Total$462.6gel/3=$154.2GEL ^{(USD 55)}=人均$441hkd