马尔代夫 Eriyadu 及 Thulhagiri 岛的海洋生态篇 🐠🐟🐬🐳

不过喺度想讲一个重点，马尔代夫真系要尽早去❗️因为海水严重升温，导致海洋生态情况真系每况愈下，我第一次去系13年，当时海底珊瑚色彩鲜艳，好似仙境咁，超级难忘！到我16年去珊瑚白化情况严重，不过白化都仲有得救丫🤔到咗啱啱去，去嘅两个A级珊瑚礁岛，都有一个共通点，硬珊瑚九成都系死架！唔系白化系死埋！啲水热到佢地煮熟埋呀，全部变成一堆烂石，睇过几年前嘅YouTube 片同埋几年前去过对比翻，真系觉得好可惜😪 不过咁讲，虽然珊瑚全部都系死嘅，但鱼群依然都系冇分别（过几年就唔知道了），一样系五颜六色，品种众多！马尔代夫依然系好值得去嘅～ 🐠以下比较下两个岛嘅海洋生态🐠

Eriyadu (评分⭐️⭐️⭐️⭐️⭐️)

• 全嗰岛都可以游，外围系一个超大嘅珊瑚礁，全方位都有野睇。桥上望出去就可以见到珊瑚礁，同埋大量鱼，岸上睇鱼都仲得呀
• 无浪适合新手
• 最多鱼睇嘅断崖部份，由沙滩游出去只需要几米，完全不费力气
• 沙滩有海龟
• 码头15:30-16:00有护士鲨聚集，可以落水浮潜睇

-reef shark，stingray 都有见到，有时岸上就可以见到，可谓老少咸宜

Thulhagiri (评分⭐️⭐️⭐️)

• 虽然同为A级珊瑚岛，但我个人觉得佢值B
• 得半个岛有珊瑚礁可以睇嘢，而且珊瑚礁距离沙滩比较远，近沙滩冇乜嘢可以睇。想睇鱼就大胆游出去啦！
• 适合有经验嘅浮潜者，因为游出断崖方向浪大而且远(沙滩旁边小码头浮波及红色柱位置开始，向右边游最多野睇）
• 好多魔鬼鱼，不过要游好出先睇到
• 鱼群都好多，仲有见到reef shark🦈 (不过鲨鱼游好远的，无eriyadu嗰啲咁亲民)

⭕️小提示⭕️ 马尔代夫租浮潜工具好贵㗎，去嘅话记得淘宝买定浮潜三宝先呀！ 平玩马尔代夫双岛游都讲左几篇，呢一篇应该系最后了～之后就继续讲返伊朗🇮🇷