《埃及‧隨想隨寫》- 兩孩 Thanks!

遊歷‧足跡 Travel Footprints / 埃及

凡人一個,只係較鐘意旅遊,同時又得閒研究下歷史同飲食文化,所以開左呢個Page,記錄一下小弟遊「歷」的足跡。

2020年2月24日

我係埃及旅遊期間,無論係邊個地方,開羅又好、阿斯旺又好、樂蜀又好,都會見到為數唔少的後生埃及人聚埋一堆無所事事企係條街度,後來番黎到香港,睇番埃及的資料,大致上知道個原因,簡單黎講係同人口問題、貧窮問題同土地問題有關! 原來埃及係人口最多的阿拉伯國家,剛剛係今年二月先有報道講埃及人口突破一億,較2017年增加左7百萬人。但同香港的情況唔同。香港而家一直講緊人口增多兼有老化問題,而係埃及超過6成人係29歲或以下的年輕人。本身呢個係埃及的優勢,但係埃及同時有高失業率同埋貧窮問題,超過3分1埃及人係屬於貧窮人口。加上埃及雖然地方大,但水資源缺乏,所以佢地主要係尼羅河附近的城市生活,只係佔全國百分之七左右。呢三個原因,就令到唔少埃及年輕人失業流連係街上無所事事。 埃及總統塞西更加將人口問題與恐怖主義相題並論,係國家其中一項最大挑戰,並且於早前推出「兩孩足夠」計劃,希望降低人口繼續持續增長。
《埃及‧隨想隨寫》- 兩孩 Thanks!
* * * 文章收錄於 遊歷‧足跡 Travel Footprints / 埃及 * * *
上一篇: 《埃及‧隨想隨寫》- Play Safe?
下一篇: 《埃及‧隨想隨寫》- 「最後的法老」倒下