一、坂本龍馬與明治維新
@ Kazagashira Park 風頭公園

去過長崎，相信對坂本龍馬唔會陌生，周圍都會有佢的雕像，可見日本人對他極為尊敬，甚至可以話係崇拜，2010年更將他的事蹟拍成大河劇《龍馬傳》。咁究竟佢有咩魔力可以吸引到日本人呢？咁就要講講佢的事蹟。 時代一轉去到江戶時代，簡單黎講就係戰國後德川家康尊政的年代，其實江戶時代係比較和平的年代，在朝二百幾年都無乜戰禍人禍，但正正因為咁為政者就開始散漫而各藩主(將軍)不滿，而龍馬亦係其中一員。加上當時見到西方的船堅炮利，因為令龍馬更想盡快改革，並講出「想將日本重洗一遍」的名言。之後結識左海歸派的勝海舟，拜他為門生，訓練出色的海軍積極攘夷。 講左咁耐，坂本龍馬同長崎有咩關係？第一係長崎成立左「龜山社中」，其實係與外商貿易的公司，但暗地裏係走私軍火俾長州藩。主因為當時長州藩被幕府禁止槍彈交易，咁龍馬就諗到不如自己買槍彈，再走私俾長州藩，除賺錢外，仲令到薩摩同長州同盟，亦成為日後合力推翻幕府的契機。 另外，龍馬於長崎清風亭與後藤象二郎會面，後藤氏為日後明治維新的要員之一。之後龍馬跟隨後藤乘船由長崎至京都的過程中發表「船中八策」，簡單黎講包括行外國內閣制、設上下議院、政與兵權歸中央，推翻德川幕府，並訓練海軍，使能要與外國貿易關係對等。呢八條正正係日後明治維新而成為工業大國的根本。 日本係戰國時代，豐臣秀吉統一日本後，首次對外發兵攻打朝鮮，而最後被中國明朝及朝鮮打敗，可見當時日本與中國實力仲有差距。而之後德川年代，因和平盛世而荒廢軍事發展，武士軍人仲因為無仗打而失業。直至明治維新後才迅速發展成為工業及軍事大國。而明治維新的開端正正係坂本龍馬間接造成，因而日本人眼中視他為國家英雄。可惜，龍馬於三十三歲盛年就被暗殺離逝。 最後差開講少少明治維新，其實中國係呢段時間都有學習西方的意向，史稱洋務運動。咁點解大家都向西方學習，日本就成功而中國繼續積弱，俾人當ATM，成為中國與日本盛衰的分水嶺。原因係中國只係急攻近利，學表面船堅炮利，但內政仲係無改變，換湯不換藥，加上軍閥割據，當然失敗收場。而日本則內外都徹底改革，就如龍馬所講，要將日本重洗一遍，最後令日本短時間變成世界強國。