離天堂最近嘅教堂 - 聖三一教堂⛪️
@ Gergeti Trinity Church გერგეტის სამების ტაძარი

卡茲別克山係格魯吉亞境內高加索山脈最高峰之一，海拔5033公尺。亦係希臘神話中普羅米修斯盜火被宙斯囚禁嘅地方。 卡兹別克 Stepantsminda 小鎮最著名嘅景點就係 Gergeti Trinity Church 聖三一教堂⛪️。相信好多人去卡兹別克都係想嚟呢度吧！由小鎮巴士站包的士前往，$30GEL ^{(HKD 85)}來回（我去埋 juta 所以合共$150GEL ^{(HKD 426)}來回)，全程都係山路，車程大約20分鐘到山頂。鐘意行山嘅朋友亦可行上去（單程大概兩個鐘）～ 呢個教堂有七百幾年歷史，屹立响山之巔峰，海拔2170米，响雪山包圍映襯下有一種遺世獨立嘅孤獨感，隱秘又神聖⛪️教堂內部唔，可看性一般，但外面可以眺望 Stepantsminda 村全景，景色一流！所以有d人叫佢「離天堂最近嘅教堂」，都唔係無道理～ 趕住返工，寫到呢度先，明天見👋🏻