漫步紅酒小鎮🍷
@ Sighnaghi სიღნაღი

雖然我唔喺香港，但我的心與香港同在🚶🏽‍♀️🚶🏽‍♀️🇭🇰 再續上一篇，格魯吉亞嘅紅酒相當出名，其中西格納吉小鎮係最著名嘅釀酒小鎮，釀酒歷史已經有八千年，據說係世界葡萄酒嘅發源地之一🍷格魯吉亞葡萄酒釀製方式係先踩爛啲提子，然後放入陶罐，再埋落地底，方式多年如一。 西格納吉sighnaghi 係突厥語言「堡壘要塞」意思。位置係山上面，大部份都係石板斜路，行去高處就可以眺望到高加索山脈⛰️同埋山村景色～ 小鎮唔大，行路嘅話大概一個鐘就可以行到盡頭。景點主要有兩個，第一就係古城牆，响小鎮嘅外圍，總長5公里，有一部份可以行上去～而另外一個景點就係saint george教堂⛪️

小鎮附近有好多酒莊，有時間嘅話可以安排品酒一日遊🍷我哋三個都唔識飲酒，所以只係去咗村入面其中一間細嘅酒莊食晚飯(無飲酒😂） 食物方面就推介pheasant’s tears winery酒莊餐廳，雖然價錢唔係特別平，但係响小鎮內，步行可至，而且食物質素好！ 另外亦推薦club kanudosi 餐廳，坐落係山谷上，景觀一流，可以望到整個西格納吉小鎮景色，紅酒一支都只係廿蚊港幣，聽說食物都ok（我淨係飲野無食野）。不過由教堂開始行嘅話要行大約30分先可到~ 是日三人消費： Day 4 2/6西格納吉 士多買早餐$8.2AZD 舍基前往邊境balaken 車費$45AZD 邊境的士去西格納吉$50GEL ^{(USD 18)} St george旁餐廳午餐$46GEL ^{(USD 16)} 買水三小支$1.5GEL ^{(USD 1)} 下午茶飲嘢Club Kanudosi$19GEL ^{(USD 7)} 晚餐Pheasant's Tears Winery$83GEL ^{(USD 30)} 買水2L$1.5GEL ^{(USD 1)} Total:$53.2AZD=$250hkd+$201GEL ^{(USD 72)}(573hkd)=$823hkd/3= 人均消費$275hkd