住進舉重選手的家
@ Guest House Shota

從亞格關口過境格魯吉亞之後，坐的士直奔西格納吉（$50GEL ^{(USD 19)}，50公里)，去到入住嘅舉重選手民宿～ 我選擇呢間民宿係因為佢有個風景超好嘅大露台，價錢都唔貴，約$260港幣三人房含早餐，獨立衛浴，位置都可以(小鎮唔大，去邊都可以行路)，唯一唔好係距離巴士站遠d同要係咁爬坡。 屋主夫婦友善好客，男屋主後生嘅時候原來係國家舉重選手，破左歐洲紀錄嗰隻（340kg😵😵）贏過好多大大小小嘅比賽，屋企好似博物館咁有個房間專門放佢嘅獎杯🏆好勁呀！ 我地一到達，就請我哋飲自釀嘅紅酒（呢個小鎮係紅酒嘅發源地🍷），品酒我唔識，不過飲落覺得味道好唔同，好香幾甜幾好飲～～ 另外，第二朝個早餐好豐富，幫我地準備左成枱食物，有幾道格魯吉亞傳統食物，大型小籠包同埋一隻芝士肉碎炸春卷～誠意十足！ 個露台真係超正，望住山村景色，正對面嘅山巒就係俄羅斯同埋阿塞拜疆嘅邊界～ 我對呢個住宿好滿意呀👍🏼👍🏼👍🏼