南丫島避疫 — 大灣肚沙灘
@ Yung Shue Wan Development Pier (Old Pier) 榕樹灣發展碼頭 (舊碼頭)

#離島遊 #親子活動 #行山 #郊遊 #4歲人仔做乜好?

Yung Shue Wan, Hong Kong

pier

MTWTFSSall-day

Romenie / Hong Kong

28 Oct 2020

趁第四波疫情未到來,請假於閒日帶囝囝去離島行山,放電加鍛鍊!
南丫島避疫 — 大灣肚沙灘

行程

適逢term break,不用計劃下一家三口遊南丫島一日。上晝8:35 於中環四號碼頭登船,好在交通暢順,唔駛得兩個鐘頭之後嗰班。仔仔第一次坐雙體船,雖然有啲頭暈,不過睇住啲高樓大廈同島仔,半個鐘頭船程唔算太難過。 喺仔仔問「仲未到既?」一萬次後,終於落船。
太好喇,索罟灣碼頭有個小型遊樂場,小朋友大朋友都可以玩滑梯refresh下。 930正式啟程行山路行向榕樹灣。開頭一段路都係平路,沿海岸線前行,沿途睇到彼岸港島南區住宅大廈錯落。囝囝睇住叢間飛舞嘅蝴蝶,或是溪水間的蜻蜓,或是地上的蜈蚣,自得其樂。
對於我地一家三口,神風洞,天后廟或者豆腐花店都係擦身而過。目的地就只有一個 — 沙灘堆沙!
行左半個鐘就已經去到山頂,可以回頭遠眺起步碼頭的環境。當囝囝開始表現疲態之時,竟然撞到學校的老師正在跑山路。就係呢個原因,我地囝囝多左一股動力,全程由去搵沙灘變成要追趕前面的導師。本來仲惆悵無帶零食之苦,結果好順利,個半鐘頭就到左沙灘。
玩左一陣,就行左20分鐘去榕樹灣搵午餐。因為發哥,見到Sam Pan 餐廳同點心車就坐低啦。未到十二點就已經好攰,但胃口依然好好。餐廳望住碼頭同海邊搵食的麻雀,其實左真係relaxing......
(大人)未食完小朋友已經急不可待嚷住要返去沙灘。今日雨天,最後玩左一個鐘就要冒雨離開啦。 3:45pm — 回程
特別鳴謝Ms Chen,如果唔係佢同朋友介紹,都唔識得去搵無封嘅dogs beach!

全程開支

$426: 點心 lunch-$240 ,Milkshakex2 -$76,船費 2大1小 -$78,水加一盒麥提莎-$32

貼士

帶定乾糧,上晝所有店舖都無開; 去程坐上層睇風景,回程坐下層瞓覺定好多)船同細路仔都係); Google Map 加沿途的水牌已經夠用,唔駛另備地圖; 食點心得一輪,12點先order都已經遲。
* * * article collected under Romenie / Hong Kong * * *


Comments