福岡隱世鰻魚飯
@ Unazen うな善

之前去福岡㨂左一間家庭式小店食鰻魚飯，食到好西之餘，仲同佢地成家人玩成一片！ 講番鰻魚飯，判斷個鰻魚飯質素好唔好，第一當然要睇鰻魚新唔新鮮，食到腥味基本上成個飯都玩L完。呢間家庭式小店係即叫即劏，之後先拎去燒，所以比一般鰻魚飯更加新鮮同有魚味。 之後就睇佢燒鰻魚的技巧，我同老婆一打開鰻魚飯個盒就香味四溢，食落去個魚皮燒得香脆，配上鰻魚汁同埋日本山椒（老闆娘教），令到個味道層次提升。 最後，就係要睇佢點處理鰻魚的魚骨。由於鰻魚係鱔類，一定會多骨，如果話同你逐條骨拆就一定講大話。高手就會控制火候同時間，令到個鰻魚唔會燒燶而令碎骨燒到變軟，咁我地食落去就唔怕鯁骨同埋易咬碎。相反，就好似某著名日本過江龍的鰻魚飯，網上勁多人投訴，就係話d碎骨處理唔好，攪到佢地食鰻魚的時候要逐條骨挑出黎。