福冈隐世鳗鱼饭
@ Unazen うな善

之前去福冈㨂左一间家庭式小店食鳗鱼饭，食到好西之余，仲同佢地成家人玩成一片！ 讲番鳗鱼饭，判断个鳗鱼饭质素好唔好，第一当然要睇鳗鱼新唔新鲜，食到腥味基本上成个饭都玩L完。呢间家庭式小店系即叫即㓥，之后先拎去烧，所以比一般鳗鱼饭更加新鲜同有鱼味。 之后就睇佢烧鳗鱼的技巧，我同老婆一打开鳗鱼饭个盒就香味四溢，食落去个鱼皮烧得香脆，配上鳗鱼汁同埋日本山椒（老板娘教），令到个味道层次提升。 最后，就系要睇佢点处理鳗鱼的鱼骨。由于鳗鱼系鳝类，一定会多骨，如果话同你逐条骨拆就一定讲大话。高手就会控制火候同时间，令到个鳗鱼唔会烧㶶而令碎骨烧到变软，咁我地食落去就唔怕鲠骨同埋易咬碎。相反，就好似某著名日本过江龙的鳗鱼饭，网上劲多人投诉，就系话d碎骨处理唔好，搅到佢地食鳗鱼的时候要逐条骨挑出黎。