《埃及‧随想随写》- One Dollar

相信大家呢排都系扑口罩，好多时大家都会系唔同卖口罩的post留言「2盒，thx!」，令到系成个Facebook都洗晒版，背后当然系因为口罩短缺令到有呢个情况出现，笑中有泪! 咁呢样野又关埃及咩事呢? 原来系埃及，尤其系埃及商人系舖头或街头向游客兜售的时候，第一句唔系同你「Say Hello」，反而系讲「One Dollar」，一开始都心谂系咪听错定咩，点知之后遇见每个埃及人都系讲呢句，唯有请教当地人，问佢「One Dollar」即系咩意思。 由于埃及除左用埃及币外，都会用美金交易。原来「One Dollar」其实系指佢售卖的商品价钱只系1蚊美金，想吸引你过去睇。当然「One Dollar」只系销售技俩，当你「落叠」后佢就会show番真实价钱，所以当大家去到埃及时，唔好以为佢讲「One Dollar」就信以系真。当然，埃及的物价一定比香港低，即使唔系「One Dollar」，都建议大家可以拣下手信。