《埃及‧隨想隨寫》- One Dollar

相信大家呢排都係撲口罩，好多時大家都會係唔同賣口罩的post留言「2盒，thx!」，令到係成個Facebook都洗晒版，背後當然係因為口罩短缺令到有呢個情況出現，笑中有淚! 咁呢樣野又關埃及咩事呢? 原來係埃及，尤其係埃及商人係舖頭或街頭向遊客兜售的時候，第一句唔係同你「Say Hello」，反而係講「One Dollar」，一開始都心諗係咪聽錯定咩，點知之後遇見每個埃及人都係講呢句，唯有請教當地人，問佢「One Dollar」即係咩意思。 由於埃及除左用埃及幣外，都會用美金交易。原來「One Dollar」其實係指佢售賣的商品價錢只係1蚊美金，想吸引你過去睇。當然「One Dollar」只係銷售技倆，當你「落疊」後佢就會show番真實價錢，所以當大家去到埃及時，唔好以為佢講「One Dollar」就信以係真。當然，埃及的物價一定比香港低，即使唔係「One Dollar」，都建議大家可以揀下手信。