《埃及‧隨想隨寫》- 郵輪「驚魂」

近排講起郵輪，係疫症的陰霾下，相信大家都會驚驚地。而小編對郵輪唔算有好大興趣，而唯一一次搭過郵輪就係埃及。相信大家都知埃及有條好出名的尼羅河，而其中一個出名的旅遊活動就係郵輪之旅。由於尼羅河唔算大，所以郵輪的體積都唔算巨型。而郵輪設施唔算多，不過房間都算大，而早午晚餐都係自助餐，款式唔算好多，但味道有驚喜，比一些埃及五星級酒店的自助餐還要好食，同埋船員每日都會用毛巾整成小動物歡迎你。 而其中一個朝早食緊早餐時，突然見到幾隻快艇包圍住郵輪，心諗唔通俾人騎劫咁唔好彩。不過見唔少遊客都出晒露台睇，咁我都懷著戰戰競競的心情跟出去露台，原來佢地係船上賣浴巾，而呢個係郵輪之旅最特別的環節之一。大家或許未必知道，全世界的棉花中只有3% 可以稱之為特長絨棉，埃及棉就是這其中的一種，質感柔順，吸水力強，所以係其中一樣必買埃及手信之一。 咁或者你會問，點解可以係水上買浴巾呢? 就由我略略講下個流程，首先整個買賣過程超過一半的時間其實係度講價，一開始大約開30蚊美金，視乎你買個量同款式，有些遊客最後可以講價講到唔使10蚊美金。講好價就係驗貨，船上的賣家會以佢地驚人的臂力將浴巾拋上船，而當中未見有人失敗過。而當驗好貨後，賣家會再拋多一塊浴巾，你就將錢隨便拋落去，佢地就會收番毛巾同錢。而當郵輪去到水壩的位置，買賣過程就會結束，而船上的賣家又再準備「騎劫」另一架郵輪了!