中东土豪炫富无极限？！阿塞拜疆🇦🇿另类体验 - 纳夫塔兰石油浴
@ Sehirli Naftalan

呢个系我去阿塞拜疆最期待嘅一个活动！前日经过我前日亲身嘅示范，可以话比大家知呢个系平民嘅治疗体验，$162港币就可以入住疗养院一晚，价钱仲已经包括左所有嘅 treatment、浸两次石油、住宿及三餐膳食费用～ 不过由于我唔系自己一个人去，我需要征求另外两位同伴嘅同意..怀着一颗纠结的心去 present 佢地😛最后两个都同意✌🏻感谢总是支持我各种奇奇怪怪嘅想法（例如旧年陪我去智利平原寻找某一种仙人掌原生地🌵、去纳米比亚与豹同行🐆等等...)。反正就系佢哋同意之后我就开始做 research ~ 讲小小背景先，位于亚塞拜疆中西部，距离首都巴库320公里，有座近千年历史古城纳夫塔兰市（Neftalan），呢度有好多油田，系盛产石油嘅地方亦系浸石油浴嘅圣地，大概有十几二十间大型石油疗养院，每年都有不少世界各地嘅人慕名而来（通常都系中东俄罗斯或附近前苏联国家）会入住一两个星期，进行疗养同埋安排各种疗程～正所谓有病医病冇病强身😂 再讲下呢个石油浴嘅由来，据说多年前，一支丝绸之路上嘅骆驼商队途经此地去中国，有只骆驼受伤无法前行，主人只好忍痛遗弃，点知好神奇地佢主人一段日子之后返回，发现当时受伤嘅骆驼居然自己去石油湖浸好左 (Naftalan 嘅石油好近地面) ～奇迹康复😵商人于是将石油敷响自己受伤嘅膊头上面，果然有疗效！于是d商人就将石油装起，拎去各大城市兜售。 纳夫塔兰出产嘅石油富含环烷烃，不能燃烧，但正是它具有神奇的疗效沥青多，含硫磺量也高，具有消炎止痛、扩张血管、促进新陈代谢和加快伤口愈合等医疗作用的功效。环烷烃泡澡时通过皮肤进入人体，并随血液回圈作用于患处达到治疗效果，能治疗牛皮癣、风湿、关节炎、皮肤过敏、肌肉劳损等70多种疾病。当地仲有一个博物馆，陈列著患者留下的拐杖和轮椅。 十几二十间嘅疗养院，有唔同嘅档次，我入住呢一间叫「Sehirli」，算系比较 cheap 嘅，有少少似打机嗰啲疯狂医院或者大陆二三线城市 feel 😂不过整体都好舒适干净，其他有d疗养院睇落去好高级好似五星级大酒店咁~~不过四星五星嗰d疗养院一般都要住七日以上先可以浸石油浴，但我只系想住一晚体验下咋！所以我能够选择嘅疗养院唔多~我知有两间~由于预订实在有困难，我本想 walk in 入住，但又有小小担心无房，到时山长水远白行一趟，所以稳阵起见，最后我成功用俄文用 facebook 成功预订✌🏻再安排左由首都 Baku 过去嘅车～ (一车 $100AZD)

阿塞拜疆啲人虽然唔识讲英文，但系全部都好热情友善，我哋一到达，前台员工加埋司机等等一大班人全部围埋来想帮手，有啲就打电话俾识英文嘅朋友帮我地做翻译，可能三个亚洲籍女子喺度实在少见😂呢几日我觉得我自己好似动物园嘅动物咁不停被要求拍照围观🐒.. 我钟意佢哋唔会因为你系外国人所以收费会有唔同或者开天杀价，经过一轮沟通之后俾钱登记护照就办理好入住，收费每人$35AZD（$162hkd，按人头算不是按房间），之后带我地上房间，间房都几唔错，干净舒服有露台～ 之后好几个人喺我哋房间到指手画脚，话比我哋知几点要去食饭，几点要去见医生，d设备响边等等👨‍⚕️

我哋整顿完之后，就马上去医疗室见医生👨‍⚕️医生都系指手划脚问下你有边度唔妥，我就话腰痛，同伴就系膊头痛同埋另一个就颈痛，经过佢嘅 "诊治"，我哋每人就得到一本「病历簿及活动手册」，医生安排我哋要做四个唔同嘅疗程（睇唔明系乜）😂

再指手划脚一轮就叫我地去饭堂食晏，食饱饭再返去预约做疗程时间~ 唔知系咪因为我哋三个亚洲籍女子特别明显，去饭堂就即刻有人过嚟帮手(疗养院啲人都觉得我哋系学生细细个，系咪担心唔帮我我会食唔到饭😂），食物正常，饭古怪d，不过唔难食，一定保证你够饱先~

食饱饭就去安排疗程，个姑娘话one two three four 四个活动唔知乜😵又写左一堆时间同字，反正叫我哋带齐毛巾同洗头水同埋病历簿就follow me啦😛 疗程One :肩颈背精油按摩💆 同返深圳揼骨一样，有个头洞嘅按摩床趴响度，等大妈帮你推油，d大妈好大只，可能平时治疗者个个都好大只，所以力度十足，同伴们被当成肉饼咁㩒，差唔多㩒扁，con都飞走埋😂😂我个技师就男人嚟，力道就反而冇咁夸张，其实都几舒服（但我超唔好意思），不过隔离有大妈望望下都好啲。好快玩完大概都系十几分钟✅ 疗程two：热蜡治疗🔥 完成左推油按摩之后，就比姑娘即刻带咗去第二个治疗室，攞啲热蜡倒落个患处，哗哗好热呀😵我条腰呀😵我地三个系咁嗌热😂唔通佢哋啲人唔怕热嘅🤔之后等佢凝固，盖被热敷一阵，又系十几分钟之后，成pat铲走佢，完成✅ 疗程three:红外线石油热敷治疗💡 一样系趴喺度，搽咗啲石油响背脊，有少少气油味道，就后就要开始照红外线灯，热热地咁样，10几分钟完结✅ 疗程four:石油浴🛁⭐️⭐️⭐️ 呢个活动最受欢迎，轮候时间都比较长。男女浴室分开，一个浴室大概入边有五格浴缸。 入去更衣室除晒啲衫就可以行入一个充满油渍嘅浴缸🛁工作人员大妈就系会帮你打开水龙头🚰d石油就会好快咁涌出嚟淹没成个人(除咗个头，旁边啲大妈会将石油搽落自己块面度，不过我冇😛)。石油冇乜味道，叫做有淡淡嘅油香，温度比较热，大概40度，每人规定只可以浸10分钟，浴缸旁边有倒数计时器。第一次就唔可以过心口，第二日先可以浸到去颈～ 10分钟之后工作人员就会倒走晒d石油，就可以企起身，佢拎一个鞋抽帮你刮走晒身上嘅石油，再俾一堆草纸你抹身，之后再比一个大海绵你喺旁边浴室冲凉，冲凉嘅要诀就系一定要用洗头水shampoo倒入海棉度捽，咁就好容易洗得甩。 之后工作人员吩咐我哋浸完石油大概会行气活血，要保暖唔好吹风，要返房瞓觉（当下个人好热流汗💦）我估系唔好又冻又热摄亲挂🤔 我当日嘅疗程四步曲就系咁好快速咁完成，之后就返房休息，等到够钟食晚餐就落饭堂食饭，食完饭d院友就喺楼下公园搞音乐会，10点就会瞓觉，疗养大概好似养猪咁嘅生活挂～（仲有拉筋运动堂我无去上）

之后第二朝瞓醒，又去饭堂食早餐，再去排多一次石油浴，第二次浸石油嘅水位更加高，有前一日经验，第二次冲凉就比较有效率😛 总结嚟讲，呢个石油浴体验好过瘾，医疗效用方面呢啲嘢就因人而异，我玩一日亦都冇特别追求。当系一个体验来讲，可以讲系性价比超高！ 又长篇大论系因为呢个地方实在太冷门，网上实在冇资料，我当初做功课嘅时候都唔容易揾到，写晒出嚟就等之后要去嘅人可以参考返😛