[day5] 首都瓦莱塔 Valletta 古城
@ 瓦莱塔 Valletta

游览以黄色嘅基调嘅首都瓦莱塔，最少需要大半日时间，唔使搭车，所有景点用脚行就可以到达，古城入边有好多商店餐厅，夜晚又会有路边嘅音乐表演，坐喺路边嘅餐厅 chill一chill 好有 feel🤗 古城入边 Old Mint Street 系最为出名嘅一条街，游客必到，佢其实系一条古老嘅铸币街，又长又斜，两边嘅大厦都有特色嘅封闭式阳台，非常特别，不过对于好斜嘅街，住西环嘅小伙伴觉得冇特别😂因为佢屋企附近都大概系咁嘅样😅😅

然后第二个景点我哋去到外观低调但系内部金碧辉煌嘅圣约翰大教堂，门票好贵要10欧，不过已经包含咗电子导赏机。成个教堂嘅镇店之宝就系油画-被斩首的施洗者约翰，非常珍贵。

第三站，我哋去到免费入场嘅上巴拉卡花园，呢度风景优美，居高临下可以眺望对岸嘅三姊妹城，而且正午12点会响礼炮。 从巴拉卡花园坐电梯落地底，再过马路行去对面，就有船仔可以坐去对岸嘅三姊妹城，感觉好似平价贡多拉，只系两蚊欧罗一位，好鬼抵坐！摇下摇下咁样就可以过到从水路过对岸，三姊妹城有城堡、博物馆等等建筑，有不少地方都系权力游戏嘅拍摄景点，影迷唔好错过！ 好啦马耳他就讲到呢度先，下一篇讲下快闪土耳其奇石林🇹🇷

是日三人总消费： 22/10 Valletta 船票 €13.95 ^{(CNY 114)} 午餐 €27.75 ^{(CNY 228)} St John 教堂 €30 ^{(CNY 246)} 船仔去 Three City €6 ^{(CNY 49)} 圣安吉洛堡 €30 ^{(CNY 246)} 晚餐 The Black Sheep €56 ^{(CNY 459)} 买大水一支 €1.5 ^{(CNY 12)} The Seafront Tower 三人房住宿 €71.5 ^{(CNY 586)} 是日三人总消费 €236.7 ^{(CNY 1,941)}