遗失相机事件簿 📸😵😵😵

当日由布哈拉移动去，由于高铁个时间唔适合，所以我哋决定坐跨城泥猛的。出发嘅时候就由布哈拉间airbnb帮我揾咗架相熟嘅车送我哋去泥猛的站头（简称的士A)，的士A司机好好人，帮我地去站头讲价，帮我地倾好价钱送埋我哋上左跨城的士先走（后面称之为的士B）。如是我哋就开始四个半钟嘅跨城的士之旅.. 四个半钟车程好鬼热，本身我揽住个相机，坐坐下觉得好顶住，咁我就摆咗部相机喺车门同埋座位中间嗰条罅隙，就开始瞓觉，之后到达撒马尔罕旅馆，俾钱拎齐野落车check in上房。休息左一阵谂住出去嘅时候，就发现我留低左部相机系架的士上边，而我哋系冇的士B嘅电话😵😵😵 吓到濑屎，即刻冲落旅馆同个女屋主讲，由于英文唔系好通，几经辛苦指手划脚讲明左，佢即刻打电话俾佢个女嚟帮拖（后来先知道原来佢个女系tourist police👮‍♀️ )，我就打俾上一个城市嘅屋主要司机A电话，同司机A解释返个情况，司机A好好人，就话帮我去的士站头睇吓揾唔揾到长途司机嘅contact... 如是者经过一轮折腾，我就决定唔坐以待毙，屋主个女帮我叫咗架的士，送我去呢边站头睇下会唔会揾到司机B(可能佢要回头车揾客返布哈拉），去到站头，同啲的士大哥讲呢件事，佢哋都话冇见到呢架车🤔🤔🤔死啦死啦揾唔到.. 因为已经下昼四点几，为免tourist police office关门，所以就决定再出发去警局揾警察帮手...点知开车唔够两分钟，我个的士司机就收到电话，原来系屋主个女通知，司机A去到站头，揾到的士B啲同伴，得知原来的是B已经开始折返布哈啦，已经知道我相机嘅下落了😻 最后，布哈拉airbnb屋主好热心帮我接返部相机，再帮我揾另外一架的士送过来撒马尔罕嘅旅馆，喺半夜终于送咗返嚟..只系收返我少少车钱🙇‍♀️ 然后第二朝瞓醒，无啦啦旅馆屋主拍门话”police police”，俾佢吓醒，我哋面都未洗就着住睡衣行落去睇吓乜事，ohoh ，原来系女警（化晒妆set埋头黐埋眼睫毛😂）👮‍♀️想叫我地拎住部相机影相同埋拍片，帮佢表扬一番😂佢话要做俾佢老细睇😝好啦多谢佢嘅帮忙，咁我就照做啦😝 最后真心多谢路上帮忙嘅好心人，布哈拉airbnb屋主Anvar帮我接返部相机再送去车站+司机A热心帮我去站头揾人+司机B路不拾遗及帮我将部相机送返布哈拉+撒马尔罕屋主同埋佢个女(女警)帮我翻译讲电话协调等等... 我真系好彩，逢凶化吉，最后相机返咗来了🤗呢个故事教训我搭车记得收返埋个相机，同埋要勤力啲backup相入电话，如果个相机真系跌咗我就真系大镬，成个月啲相冇晒😅钱事少，冇晒啲相真系好惨😫 配图好样衰，因为啱啱瞓醒着住件睡衣就行左落去，我帮我小伙伴同埋睡衣打个格仔先🤦🏾‍♀️ 好啦，听日再继续我停写左好多日嘅嘅游记！