遺失相機事件簿 📸😵😵😵

當日由布哈拉移動去，由於高鐵個時間唔適合，所以我哋決定坐跨城泥猛的。出發嘅時候就由布哈拉間airbnb幫我搵咗架相熟嘅車送我哋去泥猛的站頭（簡稱的士A)，的士A司機好好人，幫我地去站頭講價，幫我地傾好價錢送埋我哋上左跨城的士先走（後面稱之為的士B）。如是我哋就開始四個半鐘嘅跨城的士之旅.. 四個半鐘車程好鬼熱，本身我攬住個相機，坐坐下覺得好頂住，咁我就擺咗部相機喺車門同埋座位中間嗰條罅隙，就開始瞓覺，之後到達撒馬爾罕旅館，俾錢拎齊野落車check in上房。休息左一陣諗住出去嘅時候，就發現我留低左部相機係架的士上邊，而我哋係冇的士B嘅電話😵😵😵 嚇到瀨屎，即刻衝落旅館同個女屋主講，由於英文唔係好通，幾經辛苦指手劃腳講明左，佢即刻打電話俾佢個女嚟幫拖（後來先知道原來佢個女係tourist police👮‍♀️ )，我就打俾上一個城市嘅屋主要司機A電話，同司機A解釋返個情況，司機A好好人，就話幫我去的士站頭睇吓搵唔搵到長途司機嘅contact... 如是者經過一輪折騰，我就決定唔坐以待斃，屋主個女幫我叫咗架的士，送我去呢邊站頭睇下會唔會搵到司機B(可能佢要回頭車搵客返布哈拉），去到站頭，同啲的士大哥講呢件事，佢哋都話冇見到呢架車🤔🤔🤔死啦死啦搵唔到.. 因為已經下晝四點幾，為免tourist police office關門，所以就決定再出發去警局搵警察幫手...點知開車唔夠兩分鐘，我個的士司機就收到電話，原來係屋主個女通知，司機A去到站頭，搵到的士B啲同伴，得知原來的是B已經開始折返布哈啦，已經知道我相機嘅下落了😻 最後，布哈拉airbnb屋主好熱心幫我接返部相機，再幫我搵另外一架的士送過來撒馬爾罕嘅旅館，喺半夜終於送咗返嚟..只係收返我少少車錢🙇‍♀️ 然後第二朝瞓醒，無啦啦旅館屋主拍門話”police police”，俾佢嚇醒，我哋面都未洗就着住睡衣行落去睇吓乜事，ohoh ，原來係女警（化晒妝set埋頭黐埋眼睫毛😂）👮‍♀️想叫我地拎住部相機影相同埋拍片，幫佢表揚一番😂佢話要做俾佢老細睇😝好啦多謝佢嘅幫忙，咁我就照做啦😝 最後真心多謝路上幫忙嘅好心人，布哈拉airbnb屋主Anvar幫我接返部相機再送去車站+司機A熱心幫我去站頭搵人+司機B路不拾遺及幫我將部相機送返布哈拉+撒馬爾罕屋主同埋佢個女(女警)幫我翻譯講電話協調等等... 我真係好彩，逢凶化吉，最後相機返咗來了🤗呢個故事教訓我搭車記得收返埋個相機，同埋要勤力啲backup相入電話，如果個相機真係跌咗我就真係大鑊，成個月啲相冇晒😅錢事少，冇晒啲相真係好慘😫 配圖好樣衰，因為啱啱瞓醒着住件睡衣就行左落去，我幫我小伙伴同埋睡衣打個格仔先🤦🏾‍♀️ 好啦，聽日再繼續我停寫左好多日嘅嘅遊記！