沈醉佐贺牛的味道
@ 佐贺牛烧肉 季乐本店 佐賀牛レストラン 季楽 本店

佐贺牛的知名度虽然比唔上关西三大和牛，但出名多油花，入口即融。不过，大家要留意佐贺牛原来分两种，佐贺牛同佐贺县产牛，而呢两者会以等级黎评定。 简单黎讲，前者系高A4级至A5级，后者系A2至低A4级。咁你之后又问，点解会有分高A4同低A4级，呢个其实好多人忽略的BMS 分数，主要系睇油花，分数分为12级，A5和牛最少要拎8级。而佐贺牛最少有7级，所以质素系A4级中最顶级了。所以大家食佐贺牛前要问清楚，尤其系香港食，质素可以差好远。 讲番季乐，传闻好多时开门就会坐爆要等位。原来传闻系真，11点半开门，我地11点8去就已经无晒位，因为之后赶JR，最后拣shared枱。和牛一上枱只系望油花都觉吸引，之后烧0固下油分迫晒出黎的香味流晒口水。小弟虽然未食晒所有和牛，但都食过几次A5，以佐贺牛最可以感受到入口即融的感觉。其次系蔬菜都好鲜甜，最后送上甜品为呢餐划上完美句号！