现职空姐，工余时间不停去旅行，捐窿捐罅四围走
2019年10月24日
德黑兰地铁体验 🚇
@ Mellat Subway Station ایستگاه مترو ملت
Tehran, Tehran, 伊朗
铁路站
食完早餐冲完凉，我哋三个总算回血💪🏽安装好搭的士软件snapp(伊朗必备神器)，之后就即刻出街玩～为咗悭钱同埋感受一下当地人嘅生活，我哋行去搭地铁🚇去第一个景点-前美国大使馆~
离开hostel，六月嘅天气真系热到喷火，大约有40度左右吧，三个亚洲籍女子行在街上，遭受到不少奇怪嘅目光（呢个情况持续八日，小伙伴表示略为有啲不安）...
每个地方嘅首都治安始终比较复杂，我哋hostel职员都提醒我哋唔好拎住个电话做导航周围行，用纸地图会比较好..因为街上超级多电单车🛵仲要不停车上行人路左穿右插咁样（有啲似越南咁），可能会有飞车党，所以我哋都行得比较小心注意身边路人，及好好保管财物，大约行左10分钟就到达地铁站🚉
喺伊朗搭地铁都系一个好特别嘅体验，首先买飞真系睇唔明啲波斯外星文，连数字都睇唔明，所以去人工柜台买，我用酒店比我嘅地图指出我哋目的地嘅地铁站，$0.87hkd单程坐好多个站（最贵嘅距离都好似唔过两蚊），平到爆灯~
地铁站感觉同俄罗斯嘅有啲似，有一种落地洞嘅感觉，然后每一架地铁都有女性专用车卡，入面全部都系女人👩🏿同男性车厢只有一个铁闸隔开😅（人多唔方便影相所以冇影到）
系女性车厢入边，算系冇咁多目光打量..我亦都周围观察下首都女性嘅打扮，唔，波斯美女真系唔少，然后不少打扮都比较时尚，冇想像中咁传统，即系唔一定系清一色黑色，然后个头巾都包得比较随意，有啲甚至系求其「浪」住响条马尾上边😆不过之后几日，越往内陆走见到啲人嘅衣着打扮就越传统～
另外，地铁上亦都冇网上睇人哋讲咁热烈地揾你倾计合照等等情况发生（虽然都会眼望望你）..车厢入边都几挤迫，最奇特嘅系会有小贩上车推销商品，其中嘅商品有电话叉电线，小包装藏红花等等～伊朗女性们搭车都不忘购物😆有趣有趣～
费事一篇写太长，今日讲到呢度先～下一篇再讲德黑兰前美国大使馆🇺🇸
| 上一篇 | : | |
| 下一篇 | : |