五、传说的朝鲜冷面

食下中途见到导游食紧韩式伴饭同埋热汤面，之后问佢地先知原来要加钱叫，难得黎到北韩，加几多钱都要试下，于是叫左韩式伴饭同传说的朝鲜冷面，每道菜都系几十蚊人仔。 韩式伴饭首先黎到，望落同南韩食开差唔多，唯一唔同系加左牛蒡。由于牛芳个质感比较硬同埋有渣，所以送饭唔系咁夹，而其他的配料同平时食开的差唔多。反而想讲少少个酱，相信大家都知平时食开韩式辣酱，虽然唔系辣椒酱，但都会感受到少少辣味。但是呢度伴饭的酱汁近似甜酱，唔算唔好食，但食落去始终同平时的味道唔同。 之后就系万众期待的朝鲜冷面，导游说他们朝鲜人将冷面视为上品，生日、祝寿或者与心上人结婚前就会食冷面，因为朝鲜的爱情观比较保守，因此佢地好少同其他异性一齐食冷面，。朝鲜冷面由荞麦或小麦制造，面条比较幼且滑，不过唔够弹牙兼有点过淋。而肉片比较嚡且无味，反而汤汁有惊喜，带少许肉味，加上味道带酸同生果的甜味，所以比较开胃。 食完饭，当然要啤啤佢。北韩啤酒唔算好重麦味同酒味，又系饮落有甜味。我觉得主要有两个原因，第一个系佢种的小麦或大麦没有控制糖粉，所以发酵后仍然未有将所有糖变成酒精而令味道变甜。其次系酿酒设备唔够完善，所以系发酵的过程未完成，所以剩低不少糖分。