四、系北韩居然要食叶?!

网上睇唔少人去过北韩都话无啖好多，所以我本身都对北韩菜无咩期望，不过始终黎到呢度，点都要试下，尤其朝鲜比较出名的冷面。 第一样要介绍当然系泡菜，始终系韩国传统食物，而系车上，北韩导游仲讲笑话点解北韩人皮肤咁好，又咁健康就系因为日日食泡菜。不过佢又错唔晒，美国健康杂志《Health》曾经将泡菜评为世上五大健康食物之一。我本身好钟意食泡菜，所以一坐低就试左泡菜先。卖相同平时或南韩见到的差唔多，食落去觉得味道不错带少少甜味，唔算好辣，蒜味比较突出。 之后要介绍一定系炸鱼，呢道菜系每一间北韩的餐厅一定有呢道菜。由于小弟比较少食多骨鱼，所以只系尝试左一口，味道正正常常啦。反而我食得最多系薯仔炆猪肉，基本上同平时系香港食开的家庭小菜一般，估唔到都系北韩传统菜式之一，薯仔够粉，而猪肉无腥臊味，炆得够谂入味，送饭一流! 最后要介绍一个特色菜式炸叶子，本身都有少少抗拒谂紧食唔食好，之后同团朋友食完后叫我一定要试下。讲到咁人一世，物一世，点都要试下啦。食落去又真系几好食。首先佢炸得唔错，而叶比较薄，所以咬落去维持到脆口。加上粉脆有调味，食落去唔会口淡淡。 下篇会介绍传说的朝鲜冷面及北韩啤酒。