四、係北韓居然要食葉?!

遊歷‧足跡 Travel Footprints / 北韓

凡人一個,只係較鐘意旅遊,同時又得閒研究下歷史同飲食文化,所以開左呢個Page,記錄一下小弟遊「歷」的足跡。

2020年2月23日

網上睇唔少人去過北韓都話無啖好多,所以我本身都對北韓菜無咩期望,不過始終黎到呢度,點都要試下,尤其朝鮮比較出名的冷麵。 第一樣要介紹當然係泡菜,始終係韓國傳統食物,而係車上,北韓導遊仲講笑話點解北韓人皮膚咁好,又咁健康就係因為日日食泡菜。不過佢又錯唔晒,美國健康雜誌《Health》曾經將泡菜評為世上五大健康食物之一。我本身好鐘意食泡菜,所以一坐低就試左泡菜先。賣相同平時或南韓見到的差唔多,食落去覺得味道不錯帶少少甜味,唔算好辣,蒜味比較突出。 之後要介紹一定係炸魚,呢道菜係每一間北韓的餐廳一定有呢道菜。由於小弟比較少食多骨魚,所以只係嘗試左一口,味道正正常常啦。反而我食得最多係薯仔炆豬肉,基本上同平時係香港食開的家庭小菜一般,估唔到都係北韓傳統菜式之一,薯仔夠粉,而豬肉無腥臊味,炆得夠諗入味,送飯一流! 最後要介紹一個特色菜式炸葉子,本身都有少少抗拒諗緊食唔食好,之後同團朋友食完後叫我一定要試下。講到咁人一世,物一世,點都要試下啦。食落去又真係幾好食。首先佢炸得唔錯,而葉比較薄,所以咬落去維持到脆口。加上粉脆有調味,食落去唔會口淡淡。 下篇會介紹傳說的朝鮮冷麵及北韓啤酒。
四、係北韓居然要食葉?!
炸葉子,估唔到炸得香脆,係唔錯的佐酒小食
炸葉子,估唔到炸得香脆,係唔錯的佐酒小食
傳統朝鮮名菜炸魚,望落非常唔吸引,但朋友話食落去夠味
傳統朝鮮名菜炸魚,望落非常唔吸引,但朋友話食落去夠味
泡菜,味道與南韓差唔多但有少少甜味
泡菜,味道與南韓差唔多但有少少甜味
* * * 文章收錄於 遊歷‧足跡 Travel Footprints / 北韓 * * *
上一篇: 三、街上奇景
下一篇: 五、傳說的朝鮮冷麵