朝鮮 - 走進神秘國度北韓

亞洲 / 北韓
序言 好多朋友一開始聽到我將會去北韓都感到驚訝,之後就問我點解要去。其實我去的原因有以下數個。 第一係我研究開歷史,韓戰時明明朝鮮只差釡山就可以統一韓國,分裂後至60至70年代,朝鮮經濟仍稍勝南韓。但大家都知道之後大不如前,直至現在人均GDP都係維持年均1,200美金。我有興趣想知究竟北韓人或政府會點樣去敍述自己的歷史或經濟。 之後好多時都聽到北韓俾遊客參觀的地方或人全部都係假。又講到北韓菜好難食,身為偽Foodie,當然要試下堅定流。正所謂有圖有真相,自己親身去就知道真實情況。 最後原因係北韓係封閉社會,同時係獨裁國家,睇新聞周不時都會有北韓人或遊客因小事或甚至「莫須有」的情況下而被勞改,甚至失去性命。究竟真實情況是否如新聞報道中咁差? 基於上述三個原因,我決定闖一闖呢個神秘國度,希望能夠為大家分享自己的看法,令大家對北韓有更多認識。