住进古丝绸之路商队古堡驿站
@ Karvansaray

浸完石油浴，响阿塞拜疆嘅第三日，我哋移动到去到舍基小镇，呢度系古丝绸之路上嘅著名驿站区，到十八世纪时存有5个驿站。 舍基嘅Karvansaray系一座有千年历史嘅石头洞穴式建筑，千百年前，商人们拖住骆驼，带住货物，风尘仆仆穿过沙漠，来到呢座旅馆入住，据说张骞出使西域都曾经有响度入住~ Karvansaray而家除咗系古迹景点之外，依家已改建成酒店。 本来我只系打算去参观，但比我发现原来可以入住，就当然唔会错过，我要去住一晚💪🏽不过网上无方法可预订，所以我就决定walk in博一博，大不了无房就再揾地方住~ 好成功，去到系有房嘅，仲要唔贵，$50AZD三人房($231hkd)，就可以住进历史古迹🤩 洞穴设计好特别，室外明明三十几度好热，一行入去就凉到好似开左冷气咁，早上直头有d冻~ 房门口有个洞口地下室，原来系比古商人方便看守货物嘅～ 住响历史感十足嘅客栈，幻想下以前丝绸之路嘅繁华，商队骆驼拉住布匹丝绸入住客栈，即刻好有画面🐪千年前能够有咁嘅规模，实在系不得了～