住進古絲綢之路商隊古堡驛站
@ Karvansaray

浸完石油浴，响阿塞拜疆嘅第三日，我哋移動到去到舍基小鎮，呢度係古絲綢之路上嘅著名驛站區，到十八世紀時存有5個驛站。 舍基嘅Karvansaray係一座有千年歷史嘅石頭洞穴式建築，千百年前，商人們拖住駱駝，帶住貨物，風塵僕僕穿過沙漠，來到呢座旅館入住，據說張騫出使西域都曾經有响度入住~ Karvansaray而家除咗係古蹟景點之外，依家已改建成酒店。 本來我只係打算去參觀，但比我發現原來可以入住，就當然唔會錯過，我要去住一晚💪🏽不過網上無方法可預訂，所以我就決定walk in博一博，大不了無房就再搵地方住~ 好成功，去到係有房嘅，仲要唔貴，$50AZD三人房($231hkd)，就可以住進歷史古蹟🤩 洞穴設計好特別，室外明明三十幾度好熱，一行入去就涼到好似開左冷氣咁，早上直頭有d凍~ 房門口有個洞口地下室，原來係比古商人方便看守貨物嘅～ 住响歷史感十足嘅客棧，幻想下以前絲綢之路嘅繁華，商隊駱駝拉住布匹絲綢入住客棧，即刻好有畫面🐪千年前能夠有咁嘅規模，實在係不得了～