亚塞拜疆🇦🇿 Balakan 陆路过境格鲁吉亚🇬🇪

写得有d慢，呢篇先去到行程嘅第四日(今日已经系第8日😅）亚塞拜疆短短三日嘅行程完结了～ 本认为亚塞拜疆系外高加索三国入面嘅鸡肋，曾经想唔去因为唔够时间，但去完后觉得好值得去～因为好平+人民超级热心友好+石油浴+古丝路景点+城市土豪建筑，绝对值得玩几日！ 亚塞拜疆三日半总消费合共：$1088hkd，都几抵玩👍🏼 讲返行程，我哋第四日由古堡驿站包车到亚格陆路边境，$45AZD。到口岸会有好多过境的士上前乱开价，到格鲁吉亚西格纳吉最平价格为$30AZD，如果坐左呢架的士行李就可以跟车，唔洗自己拉一公里过境。 我无坐谂住行过境再睇下会唔会平d先，就拉住行李行过境。出境好简易，影相盖章过xray完。出境后要过河，再行一大段斜路就到格鲁吉亚入境口岸，门口有银行可将全部亚币换成格币。 入境格鲁吉亚都简单，由于我地三个都有美国签证，所以免签无需申请evisa(美签响旧passport 都无问题)，好快就成功入境。 出关就又有一堆的士拉客，无见到巴士，所以又包左架的士($50GEL ^{(CNY 130)}，同亚塞拜疆关口同价，所以蠢左，早知嗰边就上车，咁行李就可以随车安检唔洗拉住行），去下一站嘅红酒小镇-西格纳吉sighnaghi ~ 好啦，又讲到呢度先，下一篇再讲下西格纳吉。