亞塞拜疆🇦🇿 Balakan 陸路過境格魯吉亞🇬🇪

寫得有d慢，呢篇先去到行程嘅第四日(今日已經係第8日😅）亞塞拜疆短短三日嘅行程完結了～ 本認為亞塞拜疆係外高加索三國入面嘅雞肋，曾經想唔去因為唔夠時間，但去完後覺得好值得去～因為好平+人民超級熱心友好+石油浴+古絲路景點+城市土豪建築，絕對值得玩幾日！ 亞塞拜疆三日半總消費合共：$1088hkd，都幾抵玩👍🏼 講返行程，我哋第四日由古堡驛站包車到亞格陸路邊境，$45AZD。到口岸會有好多過境的士上前亂開價，到格魯吉亞西格納吉最平價格為$30AZD，如果坐左呢架的士行李就可以跟車，唔洗自己拉一公里過境。 我無坐諗住行過境再睇下會唔會平d先，就拉住行李行過境。出境好簡易，影相蓋章過xray完。出境後要過河，再行一大段斜路就到格魯吉亞入境口岸，門口有銀行可將全部亞幣換成格幣。 入境格魯吉亞都簡單，由於我地三個都有美國簽証，所以免簽無需申請evisa(美簽响舊passport 都無問題)，好快就成功入境。 出關就又有一堆的士拉客，無見到巴士，所以又包左架的士($50GEL ^{(HKD 138)}，同亞塞拜疆關口同價，所以蠢左，早知嗰邊就上車，咁行李就可以隨車安檢唔洗拉住行），去下一站嘅紅酒小鎮-西格納吉sighnaghi ~ 好啦，又講到呢度先，下一篇再講下西格納吉。