我是阿金。不是甚么泰国达人，单纯是个因为喜欢泰星而曾经跑去曼谷学泰文的小花痴。
2020年2月22日
曼谷留学第206日：民间高手海南鸡饭
@ Food + Plus
泰国曼谷暹罗区
饮食
一二三四五六日05:00 - 17:00
「水门海南鸡饭系咪好好食，我要去」系我喺嚟曼谷玩嘅香港朋友口中听过无数次嘅说话
其实... 我几年前嚟旅行都一样跟介绍去食过，老实讲食完一次觉得好中伏，鸡好「鞋」口，个汁又甜... 唔好食啰就系。不过好唔好食好个人，朋友想食我都唔会阻止，但如果真系单纯只系想食海南鸡饭而唔系为打卡，去 Siam Square 一个小巷食啦！！！
讲紧间海南鸡饭系 Siam 站6号出口，见到转角位间7-11行入去，见到一间卖杂志嘅档口仔隔离有个熟食中心入面，38号档，档主系一个婆婆。
咪睇婆婆个档细细地，好似好「嗡耷」咁，佢简直系民间高手。佢碟海南鸡饭够大碟之余，重点系啲鸡超滑，超滑，超滑，仲有个汁一啲都唔似水门鸡个甜辣酱，系类似辣椒汁，总知同水门鸡相比好食好多，同样都系 THB 40 (CNY 8)，点解唔食个高质啲嘅呢？！
熟食市场仲有其他档，同朋友试咗猪手饭同船面面唔错！ 每样都系40、50泰铢左右
