德黑蘭平價住宿 @ Seven Hostel - 德黑蘭 - 出發吧｜旅魔頭的網誌

去到我大長征嘅 day 15，由亞美尼亞開始坐完24個鐘長途巴士之後，終於正式開始伊朗嘅行程～好多人嘅行程會選擇唔停留首都德黑蘭，一來覺得冇乜嘢睇，二來相比伊朗其他城市環境比較嘈雜混亂～不過由於我已經坐咗一日巴士，所以決定留一日德黑蘭先開始再移動～其實德黑蘭都有不少值得睇嘅景點，可以玩一兩日，例如前美國大使館、珠寶博物館、大巴扎、地氈博物館同古列斯坦皇宮，都非常值得一遊！

是日半天行程： Seven hostel check in -> 前美國大使館 -> Reza great bazaar -> 古列斯坦皇宮風塵僕僕到達德黑蘭之後，由巴士站搭的士返去 hostel 擺低行李整理一下～再出去觀光！預約伊朗嘅住宿特別麻煩，Booking.com、Agoda 等等對伊朗封鎖，所以冇辦法 book 到，一般來講都要直接 email 聯絡酒店，又或者搵當地嘅預約網站預訂（呢個遲啲攻略再仔細講...）首都德黑蘭嘅住宿相比其他城市偏貴一啲，星級大酒店嗰啲我唔講，我住咗一間 hostel 覺得唔錯，位置方便不少景點都可以步行前往，呢間野都接待開外國人，酒店公眾範圍女性唔使包頭都得，前台仲可以代購及充值SIM卡，員工好好人好多嘢都好幫到手，房間乾淨企理有獨立廁所，重點就係平$217hkd三人房包簡單早餐（雖然我只係住一晚但係我食咗兩次早餐😛），好抵住，想窮遊嘅不妨考慮吓~

坐咗24個鐘頭巴士之後，肚餓到痴線，好彩酒店早餐時間係 0800-2300😂明明都已經中午，我哋先食一次早餐先😛有大餅，蕃茄青瓜，果汁，牛奶，餅乾，蛋糕🥛等基本食物，hostel 啲人好好，俾我哋食咗兩次~

Hostel名稱: Seven Hostel （官網或 Hostelworld 上可預訂到🏨）官網: http://sevenhostels.com/tehran/hostels-and-hotels/seven-hostel-in-tehran/reservation Hostelworld: https://www.hostelworld.com/hosteldetails.php/Seven-Hostel-in-Tehran/Tehran/274613

* * * 文章收錄於出發吧｜旅魔頭 / 德黑蘭 * * *

德黑蘭地鐵體驗 🚇

德黑蘭平價住宿@ Seven Hostel مهمانپذیر سون

德黑蘭平價住宿
@ Seven Hostel مهمانپذیر سون