幾千蚊平玩馬爾代夫一星期小攻略 - 傳統度假村篇

#窮遊

出發吧|旅魔頭 / 卡夫環礁

現職空姐,工餘時間不停去旅行,捐窿捐罅四圍走

2019年11月29日

個個都問我點樣可以窮玩馬爾代夫,呢幾年我都窮遊左幾次馬代,所以今日就詳細啲講一講。簡單來說有兩種方法,方法一平玩,方法二窮遊~ 方法一(budget 約 $6000 HKD 一星期,所有消費唯一不含機票): 傳統方式,住一島一resort渡假村,不過選擇近嘅同埋平嘅島。非旺季去一星期可以控制到 $6000 HKD 內(不含機票),呢種方法只可以講係平玩,未談得上窮遊~好處就係包餐,同享受hea resort嘅樂趣~仲可以選擇有水上屋嘅渡假村添.. 方法二:(budget 約 $3000 HKD - 4000 HKD 一星期,不含機票) 入住居民島,島上有林林總總小型旅館民宿之類($300 HKD - 500 HKD 一晚雙人房都有不少選擇),再由旅館幫你安排活動,活動包括有:浮潛、睇海豚🐬、sand bank tour、無人島、夜釣及到resort一日遊等。一星期budget 約$3000 HKD - 5000 HKD(好睇吓你會參加啲咩活動,我上次就一星期用咗$3000食住活動),好處就係活動多元化d,但係住宿條件就基本啲唔好有啲咩要求,就冇resort嗰種高級感,島本身無咁好hea,但勝在活動多同平價~
幾千蚊平玩馬爾代夫一星期小攻略 - 傳統度假村篇

陽光與海灘我嚟喇☀️🏝 出發喇!椰林樹影水清沙幼嘅馬爾代夫,我又來了😝 過咗唔平靜嘅兩個月,終於放大假出去抖下氣,今次係我第N次去馬代,唔計返工停留嗰幾次,之前兩次放假去渡假嘅馬爾代夫之旅都係住cheap cheap居民島,一次係窮遊居民島maafushi ,另一次係早兩年帶埋父母去居民島Hangnaameedhoo,一個星期都只係洗咗$3000hkd😛 馬爾代夫真係好好玩!去好多次都唔厭,海島假期來講真係冇得輸~ 今次玩法唔同喇,今次我玩豪d,住返傳統嘅一島一resort,不過係最平價嘅resort,住宿條件上雖然豪華(我都冇要求),但係珊瑚礁質素係屬於A級,最適合去浮潛睇魚! 今次一行九人(又超多人😅),八日行程會玩兩個唔同嘅resort島~budget約$6000hkd一星期🤗帶左唔少嘢飲嘢食,慳返啲錢~ 好喇唔寫,上機了👋🏻之後再匯報✌🏻 伊朗遊記仲未完仲有兩三篇,都係之後再續~ (配圖係之前嘅窮遊馬代影嘅)
✌🏻✌🏻
✌🏻✌🏻
椰林樹影
椰林樹影
水清沙幼
水清沙幼

先講方法一:平玩resort

馬爾代夫係由好多個小島組成,傳統馬爾代夫玩法就係住一島一渡假村,價錢方面有好多唔同檔次,有高級有平價,配套及環境各有不同。貴嘅我唔講,因為我係窮L唔會住~ 先講一個重點,平resort都有d選擇嘅,但交通係一個好重要嘅考慮,如果日數唔係太多,想慳錢就一定要住距離機場唔太遠嘅 North Male Atoll / South male Atoll / Ari Atoll,重點就係能夠坐快艇到達(快艇一般係 $100 USD (HKD 777.75) - 200 USD (HKD 1,555.51) /人,其實都唔係平),因為島一遠需要坐水上飛機/轉內陸機嘅話,交通成本就會多二千蚊左右一個人~ 交通方面如果人多嘅話直頭可以自己包一條快艇,唔用酒店本身嘅船,咁樣交通費就可以更加平!舉個例子,好似我今次住兩個唔同嘅resort,Thulhagiri +eriyadu ,本來交通費要每人 $100 USD (HKD 777.75) + 150 USD (HKD 1,166.63) 來回,由於我有九個人,我就自己包左隻快艇🚤就算去兩個島,合 共$147 USD (HKD 1,143.3) /人,足足每人慳左$100 USD (HKD 777.75) 有多~(大前提係要有咁多人先得😂) 再講下有乜平resort選擇(我平嘅定義係 $2000 HKD 以下雙人房,包所有稅項附加費+早餐及晚餐🥣) 浮潛出名好嘅島有:
  • Smartline eriyadu 早晚 $1061 HKD /晚 快艇 $150 /人
  • Fihalhohi island resort 早晚 $1246.8 HKD /晚 快艇 $150 USD (HKD 1,166.63) /人
  • Biyadhoo island resort 中午晚 $1119 HKD /晚 快艇
  • Bandos Maldives
  • Thulhagiri island resort & spa 早晚 $1598 /晚 快艇 $100 USD (HKD 777.75) /人
  • Embudu village resort
  • Ellaidhoo Maldives by Cinnamon
珊瑚礁唔好,浮潛無乜魚睇,但水色靚嘅島,如果對浮潛冇要求就可以考慮:
  • Kurumba Maldives
  • Adaaran club rannalhi
  • Paradise island resort
一行9人,一大班人玩最開心,分攤返交通費平好多~(今朝好多雲,水色冇咁靚)
一行9人,一大班人玩最開心,分攤返交通費平好多~(今朝好多雲,水色冇咁靚)
航拍影嘅,成隻曱甴咁😂 Thulhagiri island resort & spa ,有水上屋,算係性價比最高嘅水上屋雙人房$2778一晚,沙灘屋就$1598hkd,仲要包早晚兩餐,算係抵住!
航拍影嘅,成隻曱甴咁😂 Thulhagiri island resort & spa ,有水上屋,算係性價比最高嘅水上屋雙人房$2778一晚,沙灘屋就$1598hkd,仲要包早晚兩餐,算係抵住!
水下世界一樣精彩,有見到鯊魚同魔鬼魚
水下世界一樣精彩,有見到鯊魚同魔鬼魚
由於我今日先係平玩嘅第四日,仲未有總支出實數,而家估計一星期總消費 $5000 HKD - 6000 HKD,機票我asiamiles換,所以千幾蚊啫(機票有時特價正價都係二千幾)..玩完再詳細匯報確實洗咗幾多錢啦 另外想知有關居民島有咩玩,可以睇返我舊網誌文章( https://m.xuite.net/blog/kwokjoanne/hkblog ),之前曾經有寫 maafushi 島,居民島其實有好多個,我第二次去去咗 hangnaameedhoo(未寫返😝)~仲有 gulhi 等等,都有不少選擇,其中最受歡迎都係 maafushi ~ 總結嚟講,馬爾代夫並冇世人想像中咁貴,平民都玩得起!兩種平玩嘅方式各有好處,要睇返你有咩要求同budget~再選取返適合嘅方法~
Thulhagiri 水上屋外面
Thulhagiri 水上屋外面
Thulhagiri 水上屋落水,水唔深又好清
Thulhagiri 水上屋落水,水唔深又好清
Thulhagiri 水上屋,$2778港幣一晚兩位,包早晚兩餐自助餐,屋仔非常有特色,連續四間屋仔都係我哋嘅朋友😛可以嗌過隔離
Thulhagiri 水上屋,$2778港幣一晚兩位,包早晚兩餐自助餐,屋仔非常有特色,連續四間屋仔都係我哋嘅朋友😛可以嗌過隔離
Eriyadu無敵嘅水上世界,超級多魚,而且好近沙灘唔使游太遠
Eriyadu無敵嘅水上世界,超級多魚,而且好近沙灘唔使游太遠
Eriyadu我嘅房門外,一行出黎就係呢個位置
Eriyadu我嘅房門外,一行出黎就係呢個位置
Eriyadu我就係住綠色呢幢,我住樓下一行出黎就可以到沙灘,重點係超平,$1052hkd兩人一晚,包早晚兩餐自助餐~真係好抵住
Eriyadu我就係住綠色呢幢,我住樓下一行出黎就可以到沙灘,重點係超平,$1052hkd兩人一晚,包早晚兩餐自助餐~真係好抵住
一行9人😛呢個係eriyadu嘅碼頭,成日都好多鯊魚聚集,可以由呢個位直接跳落水浮潛,環島一周,超正!
一行9人😛呢個係eriyadu嘅碼頭,成日都好多鯊魚聚集,可以由呢個位直接跳落水浮潛,環島一周,超正!

八日六晚雙島遊 - 消費明細大公開

八日馬爾代夫之旅終於完結,掛住玩之後返嚟又忙返工,都冇時間上嚟update下,依家終於計埋條數,可以喺度同大家分享下~六晚總消費係$6351hkd~整體來說性價比超高!(不含機票,因為個個機票唔同價錢,我asiamiles換就千幾,同行朋友最貴買airasia就$3000) 再講多次今次並唔係住超平嘅居民島,我要瞓醒一擘大眼就要見到海👀所以入住兩間cp值超高嘅平resort,合共入住左三間唔同嘅酒店,全部都係Agoda訂(比較左好多個平台佢最平)🏨一晚機場島,三晚Thulhagiri island resort (一晚水上屋,兩晚沙灘屋),兩晚smartline eriyadu resort~ 兩個島都非常值得推介,首先距離機場唔算太遠坐船可以到達,慳返d交通費唔使坐水上飛機咁貴~ 第二Thulhagiri同eriyadu非常適合鍾意水上活動嘅朋友~兩個島都係潛水屬於A級嘅島,house reef好好,魚群品種繁多,島上浮潛都超多魚睇,完全唔需要再花錢出去參加浮潛tour,珊瑚礁範圍好大,要游幾日先睇得完~呢方面同行八個朋友都非常滿意,日日都浮潛睇到唔同嘅海洋生物~鯊魚海龜魔鬼魚等等...海洋世界充滿驚喜! 第三就梗係價錢平啦,尤其eriyadu,海洋生態非常好,碼頭就可以見到好多鯊魚~雙人房一晚都只係$1052 HKD,仲要包早晚兩餐buffet(食兩餐buffet都幾百蚊了吧,五百幾蚊一人一晚,其實真係好平)!不過佢唯一唔好處就係冇水上屋(唔追求豪華,鍾意玩活動嘅呢樣其實唔重要😛) Thulhagiri就有屬於比較平嘅水上屋,$2778 HKD 一晚,都係早晚兩餐buffet~水上屋的確係比較特色嘅,房間全海景,行出去有露台可以直接落水~值得體驗一晚!不過其實佢沙灘屋一樣咁正,直接望住個海灘,一樣行出去就落到水,都只係$1596 HKD 一晚兩位包兩餐~
古怪嘅角度😂航拍的確係好物
古怪嘅角度😂航拍的確係好物
同行朋友租左隻直立板玩,$25usd一小時,睇落好過癮我都想玩
同行朋友租左隻直立板玩,$25usd一小時,睇落好過癮我都想玩

慳錢小貼士

-選擇half board包早晚兩餐豐富嘅自助餐,午餐自己準備響房食(我有半個喼都係食物同埋飲品),帶定啲乾糧呀杯麵福面罐頭等等食物,下午可以食得隨便啲嘅~ -浮潛三寶及救生衣/水泡自己淘寶買定,上島租要十幾蚊美金一日 -島上一日有提供兩支細水,但係唔夠飲,所以上島前响機場買定幾支大水,帶上島慢慢飲 -晚餐buffet都係唔包飲品,島上酒水都比較貴,例如可樂要$4美金,即係差唔多$30HKD一罐可樂,所以自己買上去,忍一陣返房飲啦😛

有關交通

補充多兩句先,因為我人多所以我先獨立包左一條船,冇使用酒店嘅船,機場去Thulhagiri $200usd+Thulhagiri 去eriyadu$500usd+eriyadu返機場$500USD (HKD 3,888.77)。 呢個係人多嘅做法~同時我亦方便轉島,唔使坐多一程返機場。 但係如果冇咁多人,就可以坐返酒店本身提供嘅船,Thulhagiri 來回機場係$100USD (HKD 777.75)一位,eriyadu來回機場係$175USD (HKD 1,361.07)一位,所以都未至於係天價嘅~兩程加埋都係2000HKD多少少,都算可以接受,不過如果人少日數又唔多,想慳錢嘅話就住一間resort,咁就唔使比兩間酒店嘅船費~ 總結嚟講,馬爾代夫其實冇想像中咁貴,同去一次日本差唔多價錢,但係嗰一片海真係無得輸~真係百去不厭!

馬爾代夫8日6夜消費明細

六晚住宿費用:(total$4280 HKD) 機場島酒店Coral queen inn雙人房$62USD (HKD 482.21)含早餐$31USD (HKD 241.1)/人=$243HKD Thulhagiri水屋一晚 雙人房含早晚餐$12499.44四間房/9人=$1389HKD Thulhagiri 沙屋兩晚 雙人房含早晚餐 $14358.16四間房/9人=$1596HKD Eriyadu沙屋兩晚 雙人房含早晚餐 $8415.77四間房/8人=$1052HKD 交通:(total$1181HKD) 三程包船費$1200USD (HKD 9,333.06)/9=$148USD (HKD 1,151.08) (*我哋包左一條船,如果人唔多就使用返酒店嘅船會平啲,Thulhagiri $100USD (HKD 777.75)/人來回,eriyadu$175USD (HKD 1,361.07)來回,詳情參考返上面交通部份) 第一晚機場去機場島酒店的士$13USD (HKD 101.11)/9人=12HKD 第二日機場島去碼頭$10USD (HKD 77.78)/9人=$9HKD 雜費:(total$890HKD) 第一晚機場晚餐thai express$25USD (HKD 194.44)/2 =$98/人 第二日上島前買飲品$3USD (HKD 23.33)/2人=12HKD 多日合共小費$4USD (HKD 31.11)/人 =31HKD 最後一晚機場晚餐Thai express $13USD (HKD 101.11)=102HKD Eriyadu 島出海釣魚活動$55.5USD (HKD 431.65)=$442HKD 釣魚煮魚午餐加工費$18/8人=$18HKD Late checkout 費用$49.28USD (HKD 383.28)/4人(最後一個下午,只留下兩個房間休息及沖涼用)=$98HKD Eriyadu午餐$22.17USD (HKD 172.43)/2=$88HKD 機票:($1306HKD) Hkg-mle(hx) $330(航空公司職員價錢,呢個單程價錢未能提供參考) Mle-hkg(cx asiamile)$976HKD 全程總消費:$7647HKD 之後我會分兩篇再介紹下呢兩個resort~~
* * * 文章收錄於 出發吧|旅魔頭 / 卡夫環礁 * * *


留言