14日穷游外高加索三国 (阿塞拜疆、格鲁吉亚、亚美尼亚) + 纳卡 - 超详尽实用懒人包

阿塞拜疆🇦🇿人民超友好热情，路人成日担心我哋唔识买飞，系街上只要露出一丝疑惑就会有人即刻上前帮手👬景点方面舍基丝绸之路古堡驿站同埋纳夫塔兰石油浴系最大亮点！ 格鲁吉亚🇬🇪人就冇阿塞拜疆咁热烈，可能已经见惯游客，感觉系已发展欧洲国家咁样款，不过玩嘅嘢比较多元化！其中最喜欢第比利斯浸温泉同埋卡兹别克山区juta行山 + 圣三一教堂 + rooms hotel + 古多里滑翔伞～仲有难得首都都咁多嘢睇，第比利斯古城好靓～ 亚美尼亚🇦🇲有悲惨嘅历史，经历过种族大屠杀。最大亮点就系可以顺便去404国家「纳卡」。首都叶里温周边景点都唔错，不过我去嗰几日都唔好天，大打折扣。山区就冇格鲁吉亚咁绿油油，睇历史野同埋修道院比较多，首都感觉萧条，冇乜嘢睇。食物唔好食，一系好咸一系好酸🤦🏾‍♀️

亚美尼亚🇦🇲特区护照/bno免签证 格鲁吉亚🇬🇪特区护照持美国旅游签证/bno免签，如果冇就evisa$20usd https://www.evisa.gov.ge/GeoVisa/ 阿塞拜疆🇦🇿evisa$24usd （注意相片大小规格） 申请网址：https://evisa.gov.az/en/

准备美金或欧罗换钱，香港应该冇得兑换，就算有汇率都唔好，唔建议。 部份高级啲嘅酒店或者餐厅可以收信用卡，但例如包车、交通或者活动大部份都以现金为主。 阿塞拜疆货币manat🇦🇿机场及市区有提款机银联EPS可用（推荐），机场亦有找换店，市区唔见有找换店。 格鲁吉亚货币Lari🇬🇪唔需要换咁多，好多地方都有提款机或者找换店。银联/plus 嘅EPS可以ATM（比较建议），或者第比利斯市区好多找换店，欧罗美金都可以兑换，卡兹别克都有银行可以兑换 亚美尼亚货币Dram🇦🇲如果由格鲁吉亚坐小巴过境司机会带你去边境小店换钱，汇率几好。市区银联卡提款唔成功，Yerevan 市区可以去SAS超市门口有找换店(35 isahakyan street)。

三国都系欧洲圆形两脚入洞式

三国都系俄语系国家（前苏联国家分裂嘛😛） 俄语通行，另各有当地语言。阿塞拜疆英语普及率最低，格鲁吉亚就一半一半。亚美尼亚英文算系最好，后生嘅都识英文。 电话要下载软件，google translate 以便即时翻译(download定三个国家嘅文字包），基本上指手画脚+单词沟通+google translate 就可以通行无阻

基本上全部酒店或者hostel都有wifi，只不过好多都好废，网速超级慢。 由于我去六个国家，之后仲去埋伊朗，乌兹别克，唔想去一国买一张，所以买咗鸭寮街t mobile 30日全球无限上网，高加索三国都用得，不过！网速极慢，只可以勉强check地图，send email，whatsapp，call车，基本功能，嗰啲消闲娱乐就唔使旨意。全程保持2G速度，叫做可以维持生命.. 如果净玩高加索地区，可以去到嗰边买啦，街上或者机场好多电讯商有得买卡，唔贵。

强烈不建议❌山路多都唔系重点，重点系呢三个国家司机驾驶技术凶狠，充满战斗民族特质。又暴燥又劲快又故乱cut线，路上常有交通意外发生。我坐格鲁吉亚小巴都有一次撞左。

唔系必须比小费国家，食饭如帐单上有服务费，都不需再比。小餐厅嗰d都唔洗比。

阿塞拜疆系比较世俗化嘅伊斯兰国家，对男女衣著都冇乜特别要求，不过女仔都唔好太性感，始终不常见。 一年四季都记得带外套🧥山区一日四季，成日都会好冻！有行山嘅要准备定舒适嘅运动鞋，酒店一般都系冇拖鞋，要自己准备～ 旺季系7-8月，天气好风景好，好夜先天黑，有条件就呢两个月去～山区都比较凉快，但系市区就好热，然后佢哋啲车成日都唔开冷气..热死。著背心短裤就得，带定一件薄外套山区备用。 4-6月，春夏季，满山遍野都开花，谂起都觉得诗情画意，不过山区仲系好冻嘅，洋葱式着法，冷衫薄羽绒不可少～我系六月去嘅，大部份时间都热，好天嘅日子都唔少，但系有两日落雨同埋山区嘅日子，超级冻！ 9-10月，秋天都几好唔热又唔冻~衣着薄嘅长袖衫或者卫衣为主。 11-3月，淡季想睇雪景又或者滑雪嘅可以呢个时间去，个人来讲就冇咁钟意，日短夜长缩短咗游玩嘅时间，而且山区绿油油先好睇～衣着方面要着好多衫，冷衫羽绒厚衫全部上阵！

可以嘅话唔好戴拎太大嘅行李，因为多斜路有啲仲系石板路好难推，而且通常坐小巴架车好细，行李太大会唔方便。我行李24寸(玩成个月冇得再细），勉强可以接受～ 洗头水沐浴露嗰啲唔系间间酒店都有，建议自己准备 准备定啲零食杯面之类，如果你有一个中国胃呢度啲嘢食就会唔系好啱食～

比香港慢4小时

呢几个国家消费真心平，最好就系2-3人同行，咁样包车嗰啲就会超抵（如4人同行行李可能就放唔入普通的士），我14日总消费$4727hkd（属于比较悭俭，住宿通常都系经济型/hostel独立房间，但交通好多时都包车，土豪嗰啲就忽略呢个部份😛）

（以下价钱为三人房，值得推介嘅我先讲，唔靓/一般嘅hostel不介绍了👀） 阿塞拜疆： -Naftalan 石油疗养院Sehirli Naftalan mualice merkezi $120AZD -sheki 舍基古堡驿站Karvansaray$50AZD 格鲁吉亚： -西格纳吉-Club Kanudosi或guest house Shota $260hkd含早 -等比利斯-tbil home hostel $213hkd含早 -卡兹别克alpenhaus B&B $345hkd含早/有条件可住rooms hotel 网红酒店约$1200hkd双人房 以上都另有文章介绍，可以揾返我之前嘅post

往返价钱$4xxx-6000不等，可以选乘俄罗斯航空（由于国家纠纷最近停飞格鲁吉亚）/卡塔尔航空/阿联酋航空转机前往，如果玩齐三个国家建议openjaw 不走回头路，阿塞拜疆入亚美尼亚走。 阿塞拜疆巴库机场代号GYD 亚美尼亚叶里温机场代号EVN 格鲁吉亚第比利斯机场代号TBS

必须下载 yandex.taxi 格鲁吉亚，亚美尼亚及俄罗斯通用，类似Uber咁比街上截的士平三份二，而且唔怕兜路同埋揾唔到目的地，因为靠导航🧭

火车票(唔需要网上买，现场买都得，车飞唔紧张）： http://www.railway.ge 格鲁吉亚主要旅行城市行程安排及建议停留日数： 所有景点以首都第比利斯为中心放射型咁向外出发，即是去一个城市要返回一次首都再作中转，可因应个人喜好及旅行日数再作选择。 首都第比利斯Tbilisi(1-2日) 黑海边休闲城市—— 巴统Batumi(1-2日) 雪山徒步圣地—— 梅斯蒂亚Mestia(1-2日) 欧洲海拔最高村庄——乌树故Ushguli(1日) 前往梅斯蒂亚中转站—— 祖格迪迪Zugdidi(半日或者直接中转) 红酒小镇——西格纳吉Sighnaghi(1日) 雪山山区卡兹别克 Kazbegi(1-2日) 滑雪圣地——古多里Gudauri(半日) 斯大林故乡—— 哥里Gori（半日） 世界文化遗产—— 姆茨赫塔Mtskheta(半日) 城际巴士站: -Didube 站小巴去Batumi,kazbegi,Mestia,mtskheta 都由此站乘坐 -Samgori站小巴去sighnaghi -Avlabari站小巴去亚美尼亚首都叶里温Yerevan 交通参考： 第比利斯地铁: 八达通卡$2GEL ^{(CNY 5)}可以几个人用一张，走嘅时候可以退钱，一程$0.5GEL ^{(CNY 1)}，上山缆车都要使用呢张咭。 第比利斯附近移动建议使用apps “yandex taxi”会比街上叫的士平三份二左右。 姆茨赫塔mtskheta -包车第比利斯旧城去十字修道院车费$16GEL ^{(CNY 42)} -包车生命支柱主教座堂及返回第比利斯缆车站车费$20GEL ^{(CNY 52)} -didube 站坐巴士$1GEL ^{(CNY 3)}/人，可以去到生命支柱教堂，之后包车来回十字修道院$15-20GEL ^{(CNY 52)}（相差无几，倒不如直接Yandex.Taxi 来回) 卡兹别克 -包车$150GEL ^{(CNY 390)} 走军事大道途经zhinvali水库，ananuri城堡，古多里滑翔伞，格俄友谊纪念碑 -不停站小巴🚐$10GEL ^{(CNY 26)}/人(stepantsminda 回程时间表:09:00/10:00/12:00/13:00/15:00/17:00，如果做唔啱呢啲时间可以拼车，唔使惊冇车返去) -拼车(会停留景点一下影相)$15GEL ^{(CNY 39)}/人 Stepantsminda 往卡兹别克圣三一大教堂 -包车$30GEL ^{(CNY 78)}(可能会贵啲因为我连Juta一齐倾，合共150GEL ^{(CNY 390)}) Stepantsminda 前往juta -包车$120GEL ^{(CNY 312)} 西格纳吉sighnaghi -samgori地铁站对面巴士站有小巴，$6GEL ^{(CNY 16)}/人，好多车冇乜时间表可言，车程两个钟 亚美尼亚叶里温Yerevan 1)火车🚄每天晚上一班，22:15开出，07:30到达，头等$110GEL ^{(CNY 286)}($293hkd)/二等四床一房$85GEL ^{(CNY 221)}($226hkd)/三等$66GEL ^{(CNY 171)}($175hkd)。好处就系可以悭返一晚酒店钱，火车都系卧舖。 2）小巴🚐车程五个半钟，比火车快，班次又比较多，价钱亦平，$35GEL ^{(CNY 91)}一位（$93hkd)，车况唔错，系Benz七人车，虽然有schedule但系一般都系等到人满先开车（早上好快满），第比利斯Avlabari 小巴站可以揾到marshrutka拼车小巴，不需要预早去买飞，09:00/11:00/13:00/15:00/17:00都有车，到Yerevan central bus station 落车 梅斯蒂亚Mestia

1. 第比利斯 夜火车21：10-06：30到Zugdidi，再3-4个小时到Mestia，巴士20Gel每人, 包一辆小车是80-90Gel。
2. Kutaisi到Mestia，车程5小时左右，25Gel每人； 第比利斯到Kutaisi的巴士频繁，4个小时。
3. 从第比利斯一天有一班车直达Mestia，11-12个小时。

第比利斯机场前往市区巴士$10/人 祖格迪迪巴士去梅斯蒂亚$20/人 祖格迪迪去Ushguli 一日游来回$40/人 梅斯蒂亚去巴统小巴$30/人 巴统去祖格迪迪小巴$12/人

行程安排 景点基本都系以首都叶里温出发，放射型咁向外一天游，不必转换住宿，主要有四条路线。 东线：garni 神庙-geghard修道院-tsakhkadzor缆车-sevan lake塞凡湖（最好分两日去） 西南线：Ejmiacin-khor virap 深坑修道院-noravank 东南线:Yerevan-tatev 北线-Yerevan-sanahin-haghpat修道院 而我只去左东线及西南线（呢两修线路上嘅景点最爱欢迎），tatev都想去可惜时间唔够，北线就无咁热门嘅。 交通费用参考 包车去深坑修道院来回$10000AMD ^{(CNY 183)} 纳卡两日一夜tour$25000AMD ^{(CNY 456)}(含交通导游住宿） 纳卡市区的士去爷爷奶奶山$800AMD ^{(CNY 15)} tsaghkadzor+lake sevan +dilijan包车一日$18000AMD ^{(CNY 329)} garni 神庙+geghard修道院包车费$5000AMD ^{(CNY 91)} 市区的士到central bus station（伊朗巴士车站）$400AMD ^{(CNY 7)} 包车司机联络方式： 司机 what’s app：hagop（虾膏）+37443187437/+374 77 929938

Baku机场巴士$4.5 AZD 市区巴士无论距离均一价$0.3AZD一人 Baku到Naftalan 包车费用$100AZN ^{(CNY 428)}一车 Naftalan 去seki 车费$55AZD 舍基前往边境balaken 车费$45AZD 巴库地铁 ：巴库地铁票（Bakucard）全部要响站内的机器上购买，无人工售票。充值卡$2AZD，坐车单次$0.2AZD（不限距离同价） 行程： 舍基/Baku/Naftalan ：最少各一日 呕心沥血终于写完，多字到爆！以上资料希望帮到未来要去呢三个国家嘅朋友～