高加索睡火山玩滑翔伞
@ 卡兹别克山 Mkinvartsveri

著名嘅ananuri城堡系lonely Planet 格鲁吉亚封面相片拍摄嘅地方，曾经系私人军事城堡，2007年被列入联合国教科文世界遗产。古堡坐落喺湖同埋山之间，几有童话feel~游览古堡唔需要门票🎫我曾经喺网上见过张相系有一个石窗望出去城堡嘅屋顶，觉得好靓，所以一心要揾到呢个位！ 原来都唔难揾到，但系爬上去确实有难度！要手脚并用爬上个城墙（落嚟仲麻烦），再沿着啲好窄嘅楼梯行上去就会见到，虽然有啲艰辛，但系我见到啲阿婆阿伯都爬上去，唔系唔爬嘛😛我哋个司机佛诞叔叔好顽皮，全不费吹灰之力就飞咗上去😂

城堡外面仲有得租d古怪衣服影相，我租咗件铁甲战衣，仲有佩剑添(真系无聊😂）..本来$5gel，俾我讲到$3gel成交～～我玩完之后好多游客争住要玩😝

去完水库同埋ananuri城堡，之后沿着军事大道继续前行就嚟到格俄友谊纪念碑，格鲁吉亚同俄罗斯曾经系好朋友，不过依家见到呢个纪念碑特别觉得讽刺，格鲁吉亚啱啱先有反俄罗斯示威...俄罗斯航空都宣布取消飞格鲁吉亚🤦🏾‍♀️好吧，就当一个景点咁睇～纪念碑旁边山谷影得好靓的～

呢个纪念碑都唔系重点，只系伴菜，呢一日嘅主菜系-喺古多里gudauri玩滑翔伞⛱ 古多里系滑雪胜地，夏天就好适合玩滑翔伞，玩滑翔伞唔需要预先报名，去到纪念碑外面停车场就有好多着住橙色或者蓝色背心嘅sales拉客去玩滑翔伞，即场有个小Office俾钱，两间公司价钱一样，质素都系差唔多，$250GEL ^{(CNY 664)}一人（$697hkd)，都几平(不过谂谂吓之前土耳其好似仲平啲），飞行大约20分钟包含拍影片(亦可WhatsApp/email/facebook预约，不过个人觉得冇必要，建议睇好天气先当日再决定，因为山区天气好飘忽成日落雨，walk in就得) 我哋事先已经同包车司机表明我哋要玩滑翔伞，所以去到嗰个停车场司机就直接将我哋交比嗰啲sales，俾钱写个名就上车🚌送去山上起飞地点~

我喺土耳其🇹🇷同塞浦路斯🇨🇾总共玩过两次滑翔伞，今次喺格鲁吉亚系第三次玩😬比较之下，古多里呢个滑翔伞嘅营运模式就比较流水作业，连嗰啲乜乜需知都唔使签，姓甚名谁都唔使写，去到起飞地点就几个员工埋来好快速着好装备，头盔都系自己带，完全未有心理准备就已经飞咗出去😂整体感觉就系比较为赚钱，飞行员一日要飞十几次咁样..其实都冇乜交流😅不过都安全嘅，始终佢哋好有经验，大家性命系捆绑在一起的～ 由于有两个「助跑员」，所以我基本上唔跑就已经离地😂 20分钟左右嘅飞行入边，大部份时间都系平稳地飞翔，系临尾飞行员有问我钟唔钟意刺激要唔要转下，我就话好，先由之后嘅疯狂转弯（超晕的😂），降落嘅时候有提醒我要提高双脚，我有做啊，不过好似land得麻麻地，我成个仆左落地🤦🏾‍♀️ 总结来讲平平哋玩下都OK嘅，风景都唔错～都系一个唔错嘅体验！路过不妨玩下～我两位畏高同埋唔玩机动游戏嘅小伙伴都话唔觉得惊（其中一位之前同我去土耳其就系唔敢玩..)